مشكلتي ويا بنتي ساعدوني :(

السلام عليكم ورحمة الله وبركاته

بنات اللي عندها الخبره ياريت تساعدني وتريحني
بنتي فديتها عمرها 20 يوم والمشكله انه مافيني حليب
وقالت لي اخصائية الرضاعه اعطيها حليب صناعي
وانا قلبي وايد معورني عليها لاني عطيتها صناعي
عادي هالشي ولا بيأثر عليها .. بسم الله عليها فديتها

وبعد اليوم لاحظت عليها طول اليوم راقده
وكل 3 ساعات اوعيها واعطيها الحليب وترد ترقد
عادي هالشي ؟!!!

فديتج ربي يحفظ لج بنتج يارب ..
ما عندي خبره لاني ام لاول مره
ان شاء الله الخوات يفيدونج

مشكووره فديتج
وانا بعد شراتج ام اول مره
والله يخلي لج البيبي ويحفظه من كل شر ياااارب

لازم تشربين ماي وايد لو تبين الحليب يدر
أقلها 10 أكواب ماي يوميا وان تقدرين اكثر مابين عصاير وغيره من السوائل
والحليب الصناعي عادي بس الافضل الطبيعي لانه يعطي الطفل مناعه خاصه أول 6 شهور

الله يحفظها لج يارب
اختي عادي
لانه الحليب الصناعي يحتاج وقت حتى تهضمه المعده
مب مثل الحليب الطبيعي او حليب الام
يتهضم بسرعة
فشي طبيعي تاخذ فترة اطول بين الوجبات
الله يحفظها لج
مدري ليش كل الاطباء هالايام ينصحون بالحليب الصناعي دوم
الله المستعان

حاولي تعطينها صدرك وبينزل الحليب
انت تحسين ما شي بس مع الوقت لازم بينزل حليب ..
اهم شئ تتغذين عدل وتشربين عصاير وحليب وان شاء الله بينزل ..

لا تياسين ..

وأكيد مع كل رضعة لازم ترقد ..طبيعي هالشئ لا تخافين..

آلله يخلي لج بنتج ويسلمهآ لج من كل شررر . . .
مآعندي خبرة بعدني بنووتة ^^
بس آنآ سألت آمي قالت : هذآ شي طبيعي ولآتخآفين . . .