مشكلتي

مشكلتي انه ولا مره بحياتي انخطبت خاطري اتزوج واستقر معنى طلباتي وايد سهله لكن للاسف من اللي يقدر اللي اصغر عني واكبر ما شاء الله عندهم اعيال ومن غير خواتي الصغار اللي نخطبن ليش
انا لا انا خاطريي اعرف شو اللي ناقصني عسب محد يخطبني لكن الله المستعان قولوا لي الحل وريحوني …..

الله يرزقج بالزوج الصالح
دعوة حلوه من الخاطر باول الصبح موفقه للخير حبيبتي

امين الله يرزق يارب بالزوج الصالح لاتفكرين وايد كل تاخيره فيها خيره وعسى الله يلبي الي بخاطرج ويرزق بنات المسلمين بالزوج الصالح

كله نصيب الغاليه وان شاءالله نفرح فيج قريب وربي يرزقج بالزوج الصالح

ليت مواضيعج تختلف كلها نفس المعنى ,,, الزواج مب معناته ترميم او تعديل او ترفيه ,,,

يمكن الله كاتب لج ,,, ماتعرفين شو مكتوب لج ,,, المفروض مانعارض قدر الله ونرضى باللي كاتب لنا ,,,

عليج بالدعاء والاستمراء باطالة السجود والتقرب لله

صباح الخير يا حلوه حبيبتي الزواج قسمه ونصيب نحن نقدر نشتري وايد اشياء بس الريل نصيب الوظيفه رزق و الراحه والأمان نعمه وايد اشياء حولنا ليش مركزه على الزواج ترى لكل شي حكمه من الله انا عمري 35 سنه والحمد لله عايشه حياتي عادي متى ما ياني النصيب بسير مع اني اسمع وايد تنغيزات بس واكبر طاف اسير وارد استانس بحياتي الحياة مب ريل وبس بالعكس في كثير اشياء لا ترخصين بعمرج فديتج ارفعي قدرج وثقتج بنفسج و خلي الموضوع هذا يسير كيف ما يشاء الله …. والمعرسات حليلهن مب كلهن مرتاحات بعضهن عرسن بلى ودهم ما شافن العرس شكلج صغيره من جي مستعيله وخايفه لا تخافين بتعرسين وبتترسين البيت عيال ان شاء الله

هو هذا