عندي مشكله صارت لي من المنتدى هنيه …
مره طرحت مشكله فالقسم هنيه وطرشلي وايد بنات عالخاص انهم يبون يساعدوني ومن هالقبيل
ومن ضمنهم وحده قالت لي بعطيج رقمي ورمسيني وبصير ربيعتج ومن هالكلاام بس انا رفضت قلت لها كيف ارمسج وانا اول مره ارمسج وانتي كيف وثقتي اني بنت؟؟ .. عقب قالت خلاص بتواصل عالايميل وعطتني ايميللها وانا على نياتي ضفتها ورمستها تقريباا 3 مرات او 4 عقب تميت اتهرب منها
لانهااا كانت تقول كلام خااايس والفااظ استغفر الله وسويت لها بلوك ودليت
لكن بعد فتره قامت توصلني ايميلات غريبه وفيها صور خايسه وكلام وصخ وانا الغبيه ما انتبهت
على الايميل كنت مفكره انه من ريال بس استغربت كيف ياب ايميلي لانه الاسم اللي يظهرلي لما توصلني اي رساله اسم ريال …. وما عيبني الوضع فـ طرشت له رساله وقلت له انا وحده محترمه وهالايميلات ماتلزمني ف طرشها حق ناس شرااتك مب متربيه احسن بس مارد عليه
ومن يومين يت عيني على الايميل صدفه وانتبهت انه هو نفسه ايميل البنت يعني هي ريال مب بنت
وكانت تقص عليه والمشكله اني علمتهااا شي خاص فيني بداعي انها بتساعدني … لاني شرات ما قلت لكم قبل كنت طارحه موضوع هنيه فالمنتدى وهي طرشت عسب تسااعدني شرات باقي البنات وانا علمتها بمشكلتي والمشكله انه المشكله حساسه وخاصه بالبنات وهي قالت لي انه اختها تعاني من نفس المشكله وكانت تقص عليه وانا كلامها ماعيبني وسويت بلوك ودليت قبل لا اعرف انها ريال
الحين حاسه نفسي غبيه ومحتقره نفسي لاني علمت انسان مريض مثل هذا مشكلتي مع انه مالي ذنب
اناا طرحت مشكلتي هنيه لاني كنت ابا مساعده وفي بنات ساعدوني ماقصروا
ومشكلتي الحين انه للحين يطرش ايميلات على ايميلي ولازم يكون من ضمنهاا ايميل خايس
ونصيحه لا تعرضون مشاكلكم الحساسه فالمنتدى ترى في ناس مرضى نفسييين يبون يعرفون كل
شي ومسويين نفسهم بنات حتى في بناات عافانا الله !!!
ادري اني اقدر اغير الايميل بس اختي عندها البااسوورد يعني لو فتحت الرسايل وشافت منه رساله بتتحراني اناا اللي عطيته الايميل ولو شافت رساله خايسه منه بتكون المصيبه اكبر واهلي بيفقدون ثقتهم فيني ولو غيرت الباس بتسألني ليش غيرتيه لانها تستخدم الايميل نفسه
واختج مابتعرف الباسورد
وبالمره سوي لج اميل يديد وانسي الاميل القبلي ..
والله يهدي هالاشكال ..
والله الواحد قام يخاف على عمره .. اظني في حركه اتسوينها بلوك وماتوصلج اي ايميل منه
ان شالله البنات يفيدونج اكثررررر
زين انج سويتي بلوك ودليت من وقت ,، وزين انج انتبهتي على الكلآم وانه مـآعيبج
مثل ماقالتلج الاخت من تسوين بلوك للاسم بالقائمة سوي بلوك بعد للايميلات الي توصلك منه وبهالطريقه مارح يوصلك ولاايميل والله يعينج ياقلبي