مشكله امايه يوم ترقد . بليز حد يعرف الحل

سلام عليكم

بنات انا امايه فيها السكر ..

و يوم ترقد تحس بحرار فركبتها .. و راحه ايدينها ..

حد يعرف حل لهالشي او شو سببه ؟؟؟

يوم سرنا الدخر قالولها هذا من السكر … و يوم قلت حق الدكتور انزين شي اي نوع من للدواا .. قال والله ما اعرف …

حسيته غبي الصراحه السموحه ع الكلمه ..

و يوم اقول حق امايه قومي بنسير مستشفى خاص تقول مابا مابا مابا ..

كله مابا … تعبت من كلمه مابا منها .. لنه صحتها اهم من كل شي .. و امايت يغاليه عليه .. لنه ما عندي غيرها صلن

بلييييييييييز حد يخبرني اذا يعرف حل لهالشي ..

دعواااااااااااااااتكم الله يخفف السكر عنها و الالام المصاحبه لها ..

دعوااااااااااتكم لها خواتي

نسيم

الله يخفف عن الكل ان شاء الله والله ماعندي قكره ان شاء الله البنات ما يقصرون

قوليلها سايرين السوق نتشرى للعيد وبس دخليها اي مستشفى خاص

االله يخفف عنها

الله يخفف عنها ياربي

الغاليه نفس المشكله كانت عند عمتيه وكانت دوم اتحس بحروره ف جدمها وقالو لها بعد ف الدختر انه من السكر .. وعمتيه كانت دوم اتحط ريولها في ماي بارد والا انهم ايغطون فوده في ماي مثلج ويعصرونها ويطون فيها ريلها .. وساعات اتحني ريولها عسب اتبرد عليهن … الله ايعافي لج امج ويخليها لج .. ويربي بعد تطبخيلها جرفه ايقولون الجرفه اتنزل السكر الله ايعافي جميع مرضى المسلمين …

ميروووه

فديت امج انا

شوفي حبيبتي نحنا مب دكاتره لكن من خبرتي ويا الوالده ترا فيها سكر عندها نفس الحاله في حالة لو

ارتفع سكرهاا .. وكانت تاخذ حبوب ما نفعنهن لكن مستشفى دبي غيروها لين ابر الانسولين .. والحمد

لله طابت الحين

وديها حبيبيتي المستشفى او كل يوم سوي الها فحص سكر في البيت اذا مرتفع ضروري ينزل

وبتحتاج ل حميه خاصه بالسكر

ربي يعافيها