مشكله بنت؟ . امي ترفض اللي يتقدمونلي و مليت من هالحياة 36

السلام عليكم

هلا اختي اناناسه شحالج فديتج ؟

تسلمين علة فكرتج الروعه فانج تطرحين مشاكل الناس ….

فديتج يا ريت تحطيلي مشكلتي لني صدق ابالها حل ….
……………….
انا مشكلتي تعبت منها

. انا عمري 22 سنه و بعدني مب متزوجه….

مليت من الدنيا ….
مليت من كل شي … ادري بتستغربون كيف بنت عمرها 22 سنه اتقول جي ….

محد مقدرني فهدنيا … الحريم يوم ايشوفوني يحسدون اهلي علي و على شخصيتي و

تربيتي بس اهلي لعوزوني … والله يا بنات كل شي اسويه ايلس افكر الف مره قبل لا

اسويه … والله حتى ربيعات ما عندي كل ما ايصير عندي ربيعه طلعو فيها عيب … ادري

بتقولون شو انا ما عندي شخصيه … لا يا بنات والله انه برا البيت الكل يحسبلي الف حساب

بس فلبيت لني وايد طيبه معاهم و احبهم واايد و يجرحوني و ما ارد يتمادون بلي ايسونه .

و السبب فكل ها منوووو امييييييي هيه يا بنات امييي هي الي تزرع الشك فقلب اخواني

ذبحتي خلاص والله اني اتمنا امووووت خلاص ماحد انه لي لزمه فهدنيا والله والله احس اني لو

اموووت برتاح .

لا و فوق ها كله امي مب مخلتني اعرس كل ما يتقدملي حد ترفضه و حتى ما تخبرني و عقب

اسمع من الناس و انا ما اكووون اعرف و الله بنات ليش كل هااا ما اعرف .

والله يا بنات اني خلاص صرت ما اسولف ويا امي ع الي تسويه فيني شرات قبل والله ارد ع قد

السؤال و اصكت و بس و لا يوم كانت مسافره ويا ابوي ادق حق اخواني و ادق ياهم سوالف

لين اتقول بس اما انا لا ادقلي بس عشان اتقولي شخبار خوانج ؟ شو مسوين ؟ و عقب

اتسكر و هذا شويه والله العظيم لو اكتب مابخلص

والله انه صاري ثلاث ايام كل ما ادخل اتسبح اصيييح لني ما احب حد ايشوفني و انا اصيييح

خلاص ملللييييت مابا شي والله اني يالسه اكتب قصتي و خاطري اصرخ و اقووول

ملللليييييييييييت يا رب خذني .

بنات انا ما ابا شي دوووم اقول يا اموووت و افتك او اعرس و اطلع من البيت بس اخاااف اذا

عرست اعيش حياه اتعس عشان جي صرت اتمنا المووووت .

سمحولي بنات بس قلت بكتب مشكلتي لني مليت من هدنيا و ابا حل .