مشكله يديدة و تتريا حلول منكم
لا تنسونا من الدعاء ..
اتمنى الاخت الغاليه لما تستفيد من الحلول
تراسلني + رابط الموضوع حتى اغلقه
[SIZE=4]
المشاركة الأصلية كتبت بواسطة مرحبآ اختيه يزآج الله خير على اللي تسوينه فديتج [/SIZE يآليت لو تنشرين مشكلتي لأن بصرآحه مآقدر اتحمل اكثر من جذي نفسيتي تعبآنه من اللي قآعد يصير …
السلام عليكم ورحمة الله وبركآته …
بنآآت عآيلة ريلي الحمدلله على كل حآآل .. يسمعوون أغآآني .. ويحبون الرقص .. والبنآت والمظآهر ..
مآ أقولكم مآكنت جذي من قبل .. بس يوم كآن حد ينصحني ويقولي انه ها الشي حرآآم أعرف انه حرآن وأقعد افكر في كلآآمه وقلبي يعورني ..
الحين الحمدلله الله هداني وودرت المنكرات اللهم لك الحمد
بس شسوي الله يهديهم انشالله ..
عمتي وحميتي قاعدات فصالتي ومشغلين اغاني ومطولييييييييييين .. انا كنت توني مخلصه صلات العصر .. وقلت لهم :أنآ مآ أسمع أغآآني .. >>عشآن يحسون ويبندوونه ..
قآلت حميتي: مشكلتج انزين سكري اذنييج !!!
وعمتي قعدة تظظظظظظحك ..
قلت لها تخيلي اييج ملك المووت وياخذ روحج وانتي مشغله اغاني وقاعده تغنين ..
جآن تسويلي : مآآلت !!!!!!!!!!!
قلت لهآ كيفج انتي بتآخذين أثمي .. وقلت فخآطري (ربنآ لآ توآخذنآ بمآ فعل السفهآء منآ) ..
وانا قاعده اغير لبنتي جان تقولي عمتي ان الاغاني حلال والرسول اونه بروحه قاال ان الاغاني حلال ولازم تفرحوون وتعلنون الاعراس بالغآآني !!!!!!!!
وانه المطآوعه لآزم يسون يوم برريييك فلاسبوع يسمعون فيه اغاني أو اي يشي يسليهم استغفرالله ..
مآ ابا اغلط لان هاي ام ريلي .. بس هب تقعد تفتي على كيفهآ .. الاغاني حرااااااااام وقلت لهآ الشيطآن يزين المنكرآت للمسلمين .. قآلت نحن هب احسن عن آدم ترآه بليس قص على آدم في الجنه بعد ..
انا سكت عنهآ وقلت لهآ الحين الناس صارو يفتون على كيفهم كل شي يحبونه حتى لو كآن حرآم بيطلعوله مبررات ..
بس مآقدرت اتكلم اكثر من جي لان يتني صييحه حرآآم عليهآ تفتي وتتلاعب فأحآديث الرسول جي ..
وآخر كلآمي قلت لهآ :يكفي ان الاغاآني تقطع الرزق في الدنيآ والهآ عقآب فلقبر وعقاب فالنار والانسان لازم يعود لسانه على الشهاده بدال الاغاني عشان يوم يموت يتشهد مآ يقعد يغني .. !!
ويآمآ نآس مآتو وهم يغنون والسوآد غطى ويوهم .. !!
يكفي ان البيت كئي ومحد يزورنآ والمشاكل وااايد بين عمي وعمتي واللي يدخل البيت يقول مآ نحس براحه فيه .. ويوم يدخلون قسمي اللهم لك الحمد والشكر اللهم لك الحمد والشكر يقولون نحس براااااااااااحه خصوصا حميتي تقول انا احب اقعد فحجرج احس براااحه وحميمية .. مع انهآ تسمع اغاني وتعرف اني يوميا سورة البقره والرقيه تشتغل عندي ..
قولو الله يهديهم وكيف ممكن اقنعهم وانتقم على الكلآم اللي قآلته عن الرسوول صلى الله عليه وسلم .. بس بطريقه تخليها تتندم من الخاااااطر انها جي قالت وتأثر فنفسيتهآ وقلبهآ .. وتخليهآ تكره المنكرآت اللي تصير فأعراس عيالهآ من رقص وغنى وطرب .. مش مستعده عيالي يتربون على ها الاشياء من صغرهم .. استغفرالله العظيم .. لآتقولولي انتقلي من البيت مآقدر ظروفي مآتسمح ..
ولآ جآن تقولي انه في عرس بنتج بنشغل .. قلت لهآ لآ انشالله مآ بنشغل العرس بالغاني ما فيه بركه .. جان تقولي شدراج انتي بتكونين عيوز فكرسيج .. جان اقولهآ لآ انشالله اشوفها عروس بزف بنتي بايدي انشالله وعرسهآ مآ بحط فيه منكرآت..قالت شو تتحريم عمرج بتمووتين مثلآ !!!!!!
سبحآن الله فجيت عيوني .. الموت مآ يعرف لآ صغير ولآ كبير ولآ صآحي ولآ مريض ..
قلت لهآ الاعمآر بايد الله ..
آخخ يآربي وانا اقول لي من دخلت ها البيت وانا في شي في قلبي انا مب صاااحيه ابداااااا
اللهم ثبتني يارب ..
الصراحه مت من القهرررررررررر .. كيف جي ترمس بلسان الرسوووول يا ربي استغفرك يارب واتوب اليك
اختي ليش ما تحطين مسجل في صالتهم وحطي قرآن ورقيه ..
الصراحه ما عرف شو ممكن تسوين معاهم .. الله يهديهم ويصلحهم
والكلاام الظاهر من القلب أكيد بيوصل للقلب00حطي في بالج ان الشيطان الي لاااعب
بهم هو الي يرد عليج فلاا تتضايقين منهم وعامليهم بالحسنى فديتج والله الهاادي0
واذا الله كاتب لهم الهداايه فبيهتدون والله يهدي من يشااء بقدرته 0
يزاج الله خير على نيتج والله يقدرج ان شااء الله 0
الله ايسر امورج وتفرحين ببنتج ويرزقج الذريه الصاالحه ياارب0