كيف الحال؟
كل عام وانتن بخير
بس في عندي سؤال
بالنسبه للكيك
يعني انا دوم يوم اسوي كيكه
تطلع من داخل مكتنزة بمعنى ………
تطلع احسها عصيده متماسكه من الداخل بدل ماتكون هشه ومن برع عادي كيكه
مااعرف شو المشكله
انا مثلا احط كوبين طحين
وثلاث بيضات
ونص كوب زيت
وبعد بكن باودر
وفانيلا
ومرات كاكاو مذاب يمكن نص كوب
ومرات عصير برتقال قولي نص كوب
يعني يوم اريد اسوي كيكة بالكاكاو
او اريد اسوي كيكة بالبرتقال
وجربت مرة الزبادي
بس بعد نفس الشي
انتوا اذكى عني 
خبروني وين الغلط
لي يمكن اكثر من سنيتن ما اسوي كيك والسبب ما تضبط
مع اني اجيد كثير من الطبخات بس عاد الحلويات والكيك مآساه 
انا بعد نفس الشي يمكن ثلاث سنوات او اكثر على هذي الحالة
بالنسبه للطبخ بشكل عام انا مب شاطره فيه بس اسوي اشياء مثل المعكرونه اقلي بطاطس اسوي رز
بس المعجنات عالم ثاني
الحين فهمت شوي فكرة المعجنات بس بعد ماتظبط محتاجه وقت مني
مثل اي شي ثاني في حياتي
شفتي ذكائي
الحين بعطيج المقادير و الطريقه و جربيها و ان شاءالله تضبط وياج
كوب و نص سكر
كوب حليب المراعي قليل الدسم
4 بيضات
ملعقة فانيليا سائل
3/4 كوب زيت
قشور ليمون او ملعقة شوكلت بوده او اي نكهه حابه تضيفينها
تخلطين كل هالمقادير الي ذكرتها في الخلاط لمدة 6 دقايق لبين ما ينخلطون جهزي الطحين
حطي كوبين طحين فاخر مع ملعقتين بيكنق باودر اخلطيهم في صحن عميق
بعدها اسكبي الخليط الي في الخلاط في صحن عميق و بالتدريج ضيفي الطحين المخلوط بالبيكنق باودر بعد ما ينخلطون زين حطيهم في صينية الخبز المدهونه بشوية زيت
و الفرن سخنيه تسخين مسبق يعني حزة ما تكونين تخلطين الطحين مع باقي المكونات افتحيه و خليه يسخن
و بس عقب حطي الكيكه في الفرن و اخبزيها على حرارة 180 لمدة 35 دقيقه 25 دقيقه تحت و يمكن تاخذ وقت اطول و هالشي يختلف من الفرن لين الثاني
علشان تعرفين متى تشغلين الفرن فوق لازم تكون الكيكه منفوخه و متماسكه من فوق عقب شغلي فوق
و الكيكه بعدها بتكون جاهز ^_^
انا كنت استخدم بالنسبه لموضوع كوب القياس
كوب جبنة المراعي او كيري حجم المتوسط
لان في وحده في المنتدى وصفتي ياه
بس اتصور عندي اكواب قياس بستخدمهن مرة ثانية او بطلع ان شاء الله باجر السوق وبشتري مجموعة جديدة من الاكواب والملاعق
وبشوف كيف
بخصوص الطحين انا يمكن كنت احطه دفعه وحده في الخلاط وجي
بس مرة شفت الشيف اسامه يستخدم الملعقه العاديه في خلطه يعني
يضرب السوائل بعدين يضيف الطحين بالتدريج ويخلطه بمضربه البيض العاديه او اليدويه
بجرب الخلطه ان شاء الله
انا مثلكم عقب قلت بشتري الجاهز الي نخطه احسن وايد