كيفكــــــــــــــم اخواتي الفاضلات بغيت اخبركم اني حابه اشتغل بس وانا قاعده بالبيت بحكم اني متزوجه 
ومعاي صغاريه ماقدر اطلع واتوظف
حابه استغل بوقت فراغي بالبيت 
بس منو تعطيني افكار حبيت اخذ افكاركم وخبرتكم]
اختكم .. ام محسن
والله يختي المجال مفتوح
يعتمد شغلج ف بيتج ع حسب. اهتماماتج وهواياتج
تقدرين تصنعين اكسسوارات او تطبخين او تتعلمين خياطه او كروشيه
في وايد أشياء
الله يوفقج
تسلمين حبيبتي 
مندوبه لوحده من التاجرات
او
تسوين بحوث وتقارير لطلاب الجامعات والمدارس = ماايد هالشيء …. بس فكره
او
تسوين تجاره ( طبخ مثلا + صناعات يدويه + منتجات معينه)
او
انا اقترح عليج قراءة كتب روحي المكتبه وخذيلج كمن كتاب بين فترة وفترة واقري
وسويلج مدونه في الانترنت اكتبي فيها تعليقج عن كل كتاب وشو استفدتي منه وهل تنصحين بقراءته
مب شرط مدونه ممكن اهني في المنتدى تسوين مواضيع متعلقه بهالشيء طبعا ممكن تكتفين بالقراءه
الصراحة القراءه شي وايد حلو انا في فترة من الفترات كنت دائما اقراء وافكر ارجع للقراءه شي يهدي الاعصاب وينمي عقلج وتفكيرج
او
احفظي سور من القراءن
+ خصصي وقت للرياضه يعني سوي تمارين وهيييك
او
في مجموعة من الناس في الانستقرام يسون طبخات ووصفات ويعرضونها ع الناس ويكتبون الطريقه
فممكن تسوين نفس الشيء احس شيء حلو او للخبرات المنزليه وهالامور الي ممكن تفيد الناس
(( في ناس راح تتدخل وتتفلسف عشان موضوع الانستقرام فانا من الحين مجهزه ردي , انا اقترحت انها تستخدم الانستقرام بطريقة سويه واقترحت فكرة طبخات مب شيء ثاني فالي عندها اي تعليق او كلام بخصوص الانستقرام راح اتجاهله تماما))
وطبعا شوفي شو ميولج وشو تحبين
وبالتوفيق حبيبتي ..