اشحاالكن خواتي ؟؟ …
حبيت استشيركن بعد الله فموضوعي لاني في حيرة من امري …
حبايبي انا تقدملي شخص ملتزم ..مطوع … متعلم … خلوق و لله الحمد .. والحمدلله هذي الصفات اللي اتمنى اشوفها في شريك حياتي ….
بس
سبحان الله كل ما اصلي اصلاة الاستخارة ما يطلعلي شي ….. بس السالفه تتعسر في اشياء و بعد فتره تتيسر … و هذا هو الحال من بدينا فالسالفه ….
مشيت السالفه بس احس بحيييييييييرة غير طبيعيه , حيره بين قلبي و عقلي ( قلبي يقول لا تاخذين هالشخص لانج مب مقتنعه فيه ذاك الزود (( من ناحيه شكله و عادات اهله و تقاليده )) … و عقلي يقولي خذيه لان هذا الشخص اللي يناسبج من مواصفاته و حبه لج )
و الله ان السالفه مرت عليها 5 شهور وانا بعدني ما اتخذت القرار ….
كل ما اقول بوافق : اقول اهله و الريال عاداتهم غير و طباعهم تختلف عني بشكل كبييييييييير و غير عن اللي اتمنى اشوف فيها زوج و اهل المستقبل …و غير جيه مااحس بذاك الرضا على الولد ولا بالفرحه اللي يحسو فيها اللي ينخطبن… و الله ما احس بفرح …
و لو يييت برفضهم : اقول حراام الولد كاسر خاطري يباااني و شاريني و اللي ابيه بيسويه بس عسب اوافق ………. و اخاف ارفضه و يكون نصيبي و بالاخير اتوهق مع غيره او ما اعرس !!!!!
شفتوو الحيره اللي انا فيها… و الله هالكلام اختصااار لمعاناتي مع هالسالفه … و احس لو بعبر بقول اكثر عن جيه …… لك الحمد يا ربي و لك الشكر
بلييييييييييز يا خواتي .. اباكن اتساعدني في اتخاذ قراري (اوافق ولا ارفض) ……. خلاص من كثر ما افكر فالسالفه قمت ما احس بشي …… خلا ص تعبت من كثر الهم والتفكير ( لك الحمد و الشكر يا الله )
اباكن بس تدلوني اوافق ولا ارفض …. بلييييييز يا بناااااااااات دلوني بسررررعه يزاكن الله كل خير في الدنيا و فالاخرة….
و اي وحده مرت بنفس تجربتي او بتجربه شبيه لها بليييز اتخبرني شسوت ؟؟؟
إنتي عليج تسألين عن الريال .. وتجوفين شو راي هلج فيه ..
و الاستخارة معناها إن الشخص يتوكل على الله ويهم بالأمر اللي استخار فيه .. وبعدين يجوف .. لو الأمور تيسرت فمعناه خير .. ولو الأمور تعسرت فـ مب خير .. يعني مب لازم تحسين بإحساس معين أو تحلمين بشي ..
والله الموفق ..
لكن صلي مره ثانيه استخاره
وحطي ايجابياته في صوب
وسلبياته في صوب
واكتبيهن في ورق
وجوفي شو الافضل والاكثر
واذا انت جايفه ان عادات اهله تختلف عن عاداتكم
انا اقول اتفقوا مع اهله انج بتعيشين في بيت ابروحج
والله ييسر امورج
وافقي
والله ايسر امرج