مش مفروض مصممات العبي مستورات؟

السلام عليكم و رحمة الله و بركاته
اشحالكم بنات؟ عساكم بخير و مرتاحات
البارحة كالعادة اعابل ف النت
وصلت لمدونة وحدة من مصممات العبي المواطنات "المشهورات"

حتى ماعرف كيف وصلت لهالمدونة
المهم.. انصدمت الصراحة..!
و الله انيه اقول هاي مب بنت البلاد..!
لانه شي مب طبيعي الصراحة..!

أول شي.. اشوفها ف اكثر من صورة
مع رياييل و جيه متقاربة وياهم عسب تتصور
اوكي قلنا طاف و برايه
بس احينه يا بنت الناس.. انتي بنت عرب

و تنقلين صورة الإمارات للناس
و تصممين عبي..! يعني الستر واجب و مطلوب عليج
شفت صور هي بدون شيلة..! بالمرة بدون شيلة
مب انه ع جتفها.. لا

انصدمت و الله و طاحت من عيني من خاطر
انتي تمثلين الإمارات.. و احس تتناقضين ويا عمرج
يعني تسوين عبايات و انتي روحج مش محجبة؟
او يعني محجبة احيانا و ف المناسبات و الباجي برايه؟

لا تقولون احش و لا غيره
بس ماقول غير الله يهديها
و الله يعين مستقبل العبي دام ف ايد هاييل الناس
مب من شي نشوف المناكر ف العبي

حبوبة صح.. بس تسير بلاد برع و تمثل الإمارات
مش حلوة
بس تراني اقول.. دام مستقبل العبي بين ايدين هاييل
الله يعين