مصلحة آخر السنة !!

شخباركم كلن بحاله ؟! عساكم طيبين ^^

اممم طبعا بدت المدارس و انشغلنا و الحمدلله ثانويه عامه هالسنه ان شاء الله نرفع الراس و انيب نسبة حلوه فــوق ال90

اممم موضوعي يمكن معروف و الكل مر فيه ,,, بس انا وايد مستغربة و ما أقدر أقول لااااا !!!
طبعا فالكلاس الحمدلله شاطرة و المعلمات و البنات يعرفن هالشي ,,, و ذيج السنة كنت ال 3 و فالكلاس ربيعتي طلعت الأولى

فنحن الثنتين عيون الكل علينا ,,, ^^

بصراحه وايد أستغرب بناااااااااااات من سنة يدي يمشن ولا يسلمن عليج و علاقتج معاهن سطحيه
فيوم وليلة يصيرن حبيباتج سبحان الله !!! متى نزلت هالمحبة كلها ؟!!!!
و لاااا يضاربن عسبة يكونن فالقروب للمشاريع و البحوث !!! هذا غير فلانة نبا الواجب مالج نبا الورقة مالتج نبا و نبا ؟!!!

انا ما أقدر أقوووووول لااااااااااااااااا ؟! خاصه توها السنة بادية و في بنات مادرست معاهن و نصهن علاقتي سطحية معاهن ما أحب ابين شخصيتي من أولها بياخذن فكرة ثانية عني

لاني بطبعي أعصب بسرعة ؟! ,,,

بقولكم موقف هالسنه :

يتني بنت قالتلي اباج تساعديني فالملخص مال التقرير وجيه قلتلها اوكيه فالبريك يوم يا وقت البريك قلتلها يا فلانه تعالي بسرعه بنكتب قالت لا لا عقب قلتلها كيفج ,,, يتني البنت الثانيه قالت خلاص انا ساعديني قلتلها من عيوني المهم كتبنا و الله من خاطري جيه بسرعه بسرعه خلصنا

عقب البنت يتني قالت يلا بنكتب قلتلها سمحيلي الحين كلاس وين اكتب آخر الدوام مايباله شي كتبيه بروحج ,,, قالتلي انزين شليييييه البيت كتبيه ؟!!!! تميت فاجة حلجي و كانت البنت إلي كتبتلها عدالها
خفت اقولها لااا تقولي ليش كتبتي حق فلانه ,,, قلتلها اوكيه شليته حطيته فشنطتي
عقب يلست افكر ليش سويت جيه بروحي يالله يالله اخلص لعمري مع ان والله مايرزا اكتب المخلص فدقيقه بخلصه ؟!
فجأة بدون حاسية شليت التقرير حطيته فالدرج و خليته ؟! بالباجر قلتلها سمحيلي نسيته ماكتبت مايباله شي كم كلمة بس تبا المس

توها بنت فالمسن تقولي عطيني الفهرس ؟! أقولها اي فهرس مال التقرير تقولي هيه
انزين سهل مايباله بس رقمي الصفحات ؟!!! لا تباااه عطيتها و ماقالت شكررااااا انا نقمتها قلتلها عفوا
جان تقولي لا بقولج بس كنت اطالعة يعني تشوفينه قبل ماتشكريني ؟!
يعني انا اعطيهن أشغالي مب مضطره بحسن نية والله ,,, و ما اضمن البنات بيغيرن الأشياء إلي فيه لان المعلمات يعرفن ؟!!! و انا بتوهق
يعني ربيعاتي المقربات وحدة النت مقطوع عندها و الثانية طابعتها خربانة أدقلهن أقولهن ؟! تبن شي اطبعلكن اخلص شغلكن مب اتمدح بس الشخص إلي احبه و اعزه أخدمه بعيوني
اخلص شغلهن هالفتره لين مايتعدل وضعهن من خاطري اسويلهن ,,, بس بنات لااا

غير ربيعاتي ال2 كنا فكلاس واحد ذيج السنة و نحن ال3 الأوائل ففرقونا هالسنه
أتخبرهن هااا شو بنات الكلاس ,,, احسهن بيصيحن يقولن مايبونا إلا حق المصلحة
يعني كاااااش يعطن فالويه أونه نحن نبا نيلس عندكم علشان البحوث و المشاريع ؟! نعم وين عايشين نحن

صدق بنات ؟!! ليش جيه مب عسالفه بحث ولا مشروع فكل شي فهالدنيا مصاااالح ؟!استحي اقول لا لا لا لا ماحب أقول لا لحد ,,, و مرات انضغط و المشكلة البنات بااااردات يعني ماشي وقت هالفصل ابدا ,, اللهم المعلمات يبن خطط للبحوث بس نكتب اهداف و مراجع و فروض هالاشياء بس ؟!
انذل سنه لين مايخلصن الشي ,,, أضطر انا و ربيعتي إلي وياي نخلص الشغل بسرعة بسرعه
و انا من النوع احب اغير يعني ديزاينات و جيه حركات عسب مايكون ممل و المعلمة تعطينا درجات

يالله يالله ناخذ الدرجة ؟!!!

و محد يعرف يسوي هالاشياء اضطر انا اسوي و اخلص كل شي ؟! اقول بقدم الشغل حي الله كلام
بس اتذكر و اقول ثانوية عامه و بسوي شغلي بضمير علشان احصل درجات

>.< ماذا أفعـــل ؟!

مرات احس بنات كلاسي يخافن منا على اساس نحن شاطرات و بنغلبهن ,,, خاصه تستوي مواقف
مثلا المس تسأل سؤال و البنات هاديات مايعرفن عقب انا و ربيعتي نجاوب بحماس
نحصل عيون البنات جييييه 0_0 ؟!!!!! و نحن نضحك بس انا من داخلي اقول بسم الله خخخ ,,,

كيف اقول لاا ؟! احب كل شغلي لي انا بس لعمري ؟! ماحب انقله بين بنت وبنت ؟! تعبي يروح ليش
شغلي ماشاء الله احب اسويه بروحي ما اييب شي جاهز من النت إلا المعلومات بس
حتى يوم المس تطلب تفسير سورة ما اييبها من النت أروح كتاب التفسير أدور ^^