انا مركبة لولب من سنة و3 شهور تقريبا بس الحمد الله ماسوالي مشاكل تذكر…
الدورة المفرووض اتييني يوم السبت اللي طاف وانا دورتي منتظمة يعني اتأخر يوم والا تجدم يوم جذي يعني
يوم الخميس اللي طاف ربيعاتي بالدوام قالولي بتصومي الويكند قلت لهم لا الدورة بتييني على السبت ان شااء الله فما افكر اصووووم
وحرمة ييرانا بالويكند سرت ازور بنتها مربيه فقالتلي ليش ما تحملين قلت لها والله مركبة لولب ومأجله الموضووع
ومن يوم الخميس وانا احس بألام الدورة آلام شديدة لكن ما نزلت اللين الحينه .. من التوتر سرت يبت فحص حمل وشيكت طلعت مو حامل تراني مركبة لولب وخفت لا اكووون حملت عليه بعدين اختي قالتلي ما في وحده تحس بالام الدورة وتطلع حامل ومن يوومين وانا اشرب جرفة حااارة ومافي فايده مو راضية تنزل طبعا خذيت موعد نسائية على يوم الخميس قلت اذا ما نزلت بسير الله اني مضايجة مووت لاني اربيعتي بالدوام قالتلي تستاهلين ليش ترمسين عن اللولب والدورة جدام الناس يمكن ياتج عين عنبو الواحد يعني يتم ساكت ما يرمس
الحين والله زاختني ضييجة ياترى في وحده صارلها نفسي اتاخرت عليها الدورة وااايد وما طلع فيها شيء خطير
المشاركة الأصلية كتبت بواسطة أم الحنيه 
مشكورة الغالية طمنتيني
واشربي اناناس … كثري منه
يمكن هالفترة ما قمتي تتحركين فتأخرت الدورة عندج
أو كنتي تشربين غازيات وايد
لا تحاتين الغالية
ومن تفحصج الدكتورة طمنينا الغلا