مشكلتي مب عارفه احلها مب عارف كيف اتصرف
انا معرس من فتر قصير توني مكمله 3 شهور
وريلي متغير تغير مب طبيعي من اول يوم تزوجنا في
خواتي انا متزوجه واحد متزوج
بس اتمني اللي بترد رد جارج انها توفر ردها
لانه ما في انسان يختار نصيبه
واول ما تقدم اخواني سالوه هل حرمتك تدري قال هيه وحتى امه قالت نفس الشي
وكان فتره الخطوبه مافي احسن منه
ويوم بده يقرب وقت العرس بده يتغير
لين ما تزوجنا وخبرتكم قبل اني حصلت في بيتي سحر وكان سحر تفريق
بس الظاهر ما قدرت افتحه انا قريت ايات ابطال السحر وقال المطوع عقيه مكان بعيد
وهو عقاه وهو شاك انه حرمته اللي مسويته
خواتي تخيلوه قام ريلي وخذ العمل مره ثانيه ووداه حق مطوع وقاله المطوع احرقه خلي النحت اللي في الحديده يختفي بس ما ختفا قام ريلي وعقاه
وقام يزيد تغيره عليه حتى ما ايني ولا يصرف عليه
كارهني واخر مره قال احس اني نافر منج و
والله والله اني مب مقصره
مب عارفه كيف اتصرف
للعلم حرمته متصله مره وقايله والله بتشوفين بيطلقج وعلى ايدي
اللي قاهرني ليش تقوليله سير عرس
للعلم انه مطلقها والطلقه الثالثه المحكمه ما سمحت برجوعها بس هي ردت له لانه طلعت من البيت وهو قال لها لو طلعتي انتي طالق
مب عارفه شو اسوي كل يوم اقراه البقره
ومب طايع يسير عند مطوع احين
بِسْمِ اللهِ الرَّحْمَنِ الرَّحِيم
رب اشرح لي صدري .. ويسر لي أمري .. واحلل عقدة من لساني .. يفقهوا قولي ..
لا حول ولا قوة إلا بالله
غاليتي 
أول شي انتي متزوجة على سنة الله ورسوله
وما في اي وحدة لها حق تهجم عليج أو تقولج رمسـة مب زينـة
إلا إذا ما كانت مؤمنـة بكتاب الله وتشريعه الحكيم .. ؟!!!
ثاني شي بخصوص ريلج
غاليتي ان بعض الظن اثم
لا تحطين في ذمتج كلام بهالكبر ,, عادي أي زوجـة عادية في لحظـة غذب
ريلها عرس عليها احتمال تهدد الحرمـة الثانية ..
بس هذا مب معناته انها ساحرة أو مشعوذة يمكن مب هي بالأصل أختي لا تحطين في ذمتج
وثالث شي أختي
حتى اذا ريلج مب راضي خبري أمه توديه
أو ييبي راقي للبيت
أو خلي إمام المسجد يكلمه ويقنعه
وان ما قدرتي انتي سوي الرقية ببيتكم
وخذي ماي زمزم واقري عليه واشربو منه يوميا
وخلي القرآن شغال ببيتكم ودائما صلي ركعتين في جوف الليل اطلبي من رب العالمين العافية والسلامـة
وأهم شي أختي الأذكار في الصبح والمسا وعند وبعد النوم
وريلج اذا طالع قولي له استودعك الله الذي لا تضيع ودائعه
واستغفري غاليتي وان الله مع الصابرين
مبين ان نية حرمته الأوليه ع شششششر
حسبي الله عليها كيف تتجرأ تشرك بربها ؟
انتي حصني نفسج وبيتج وشوفي لج مطووع يخوز هالسحر من بيتج بأسرع وقت وان شاء الله ريلج يرجع نفس قبل واحسن
ــــ
بس الواحد يفكر فالمستقبل شو بيستوي مب الوحده تاخذ واحد معرس وعقب تقول مشاكلها وانتي تعرفين من الاساس ان هالزواج بيسوي مشاكل وغيره
ف ليش حطيتي نفسج في هالمواقف ؟؟؟؟؟؟؟؟؟
واللي يبا يفج السحر
مايوديه عند اي مطوع
أنتو جي خربتوا على عمركم
حد قال سوو جي وسوو جي
وكم مره بغيتوا تفتحونه
لازم المطوع يكون موثوق وهو بنفسه اللي يفج السحر
الله يهدي ريلج ويصلحه
والله يبعد المشاكل عنكم
خواتي الزواج هالايام بالزوجه الثانيه مب نفس قبل
الحرمه ترضى وتسكت
هالزمن غير
كله مشاكل وغيره
ماعرف ليش البنات يحطون نفسهم في هالمواقف
بس مثل ماقلتي قسمه ونصيب
لاحول ولا قوة الا بالله