مضايجه وايد :(

والله مضاايجه حدي

صرت ما احب ارمس ريلي .. ولا تصل فيه .. يوم يتصل فيي اتعمد اني ايلس ويا اهلي ويسمع الحشرة ويسكر

صار لي موقف وياه حسيت عمري كرهته …

قبل 4 ايام … اتصل فيي ريلي ويرمسني عادي سوالف ويضحك
فجاه قالي بيي بيتكم وانا نفس الوقت كنت يالسه فالمطبخ وياه امي اساعدها بالفطوور يعني اتخيلو ريحتي طبخ وجيه ..
وانا ارمسه عادي واضحك يبتها بالمزح قلت تراني مشغوله ما بظهر لك ..

ويه عصب علي .. قالي مب ياي عشانج وعشان هالويه ياي اعطيج فلوس الجمعيه و اسير لاتخافين ما بدش بيتكم

وغلاتكم استغربت قلت له بلاك عصبت .. قالي شوفي رمستج وبعدين تعالي ارمسي ..
قلت له ما قلت شي .. انا اسولف وياك..
قالي المهم يلا باي ..
قلته حياتي لحظه ما ابا اسكر وانت معصب علي
قالي قلت لج باي وسكر … هني دمعتي نزلت

خمس دقايق واتصل بي مره ثانيه

قالي طرشي حد من اخوانج برع ..
طرشت اخويه الصغير
والا امي تقولي منو قالتلها فلان برع .. قالتلي بسير له

سارت له وقالت يلا ادخل افطر عندنا
اتخيلو شو قال لها … بنتج طردتني ما تباني ادش.. امي استغربت
فردت عليه .. قالت اذا بنتي طردتك فانا اقولك حياك ودخلته الميلس

يوم عرفت ان هو دخل الميلس .. استانست سرت بسرعه خذت شور ع سريع
اتعدلت شووي وسرت عنده الميلس
فتحت الباب شوي والا اشووف اختي الصغيره واخوي الصغير يالسين وياه يسولفون .. فتحت الباب شووي والا يشوفني
اتخيلوا شوو قال .. قوموا اقفلو الباب عنها ما اباا اشووفها
جان ادش .. قال والله لو يلستي انا بظهر بسير البيت
وانا يبتها بمصخره ما بيلس خلاص بوقف ولا تزعل
قام بيظهر جان اقفل الباب عنه … قالي ايبي المفتاح قلت له ما بعطيك
قالي والله ما ابااج تيلسين عندي اظهري بسرعه
اقوله ما اباا ليش زعلان
قالي اقولج اظهري
مسكني وسحبني ودزني عند الباب بقووة .. هني صدق عيوني بديت تتدمع
قلتله انزين ما اباا اظهر
فتح الباب قالي بسرعه اطلعي
خذت دربي وطلعت وسرت الحجرة قمت اصيح من الخاااااااااااااطر

حسيت عمري كرهته…وتقريبا الموقف صار جدام اختي الصغيرة

والا وعشر دقايق تزقرني اختي تقولي ريلج يباج … والله ما بغيت اسيرله

بس ما عرف ليش سرت له

يوم سرت وقفت عند الباب .. قالي تعالي
ساكته ما ارمس .. جان ينش من مكانه ويسحبني ويلسني
تم يحاول يراضيني وانا عيوني بس تتدمع وما ارمس ولا كلمه

تقريبا فوق نص ساعه يحاول ويايه بس ما عطيت مجال ولا رضيت
بعدين يت امي .. قال بسير البيت … امي حاولت وياه عسب يفطر يانا ما طاع

عقب سار البيت

وهو شكله ف طريج طرشلي هالمسج

" هنت عليج اترجاج "

جان اطرش له

" وانا هنت عليك اتسووي فيني جيه "

طرشلي
" لا ما هنتي والدليل اني زقرتج وتميت اراضيج .. بس انتي ؟؟؟؟ "

طرشتله

" عقب شو … ولا بعد يدام اختي "

طرشلي

" على كلامج صغاريه "

طرشتله

" اختي مب في عمر بنت اخويه " <<<<< اختي عمرها 11 سنه وبنت اخويه سنتين"
اللي اقصده ان اختي تفهم اكثر عن بنت اخويه

جان يطرشلي

" افطري احسن لج " لان اذن المغرب

سوتله طااف

عقب الفطور طرشلي

"انا اللي سويته من القهر اللي فيني عيل اتقولين هالكلام واتقفطيني واخر شي بروحج تزعلين اتحملي انتي اللي بديتي
مع اني يييت ارضيج مع اني مب غلطان واخر شي "

انقهرت من كلامه ما ادري شو مسوويه
على سالفه ما تسوووي ان هو جيه يسسوي فيني

طرشتله

انا ما قفطك ولا شي .. ولا قصدي ان اقفطك يوم قلت لك اني مشغوله اقصد ان كنت فالمطبخ
وعلى قولتك انا الباديه اوكي انا الغلطانة وسوووري

ما رد علي عقب هالمسج

عقب فتره اتصل يرمسني عاادي ولا جنه مستوي شي

بس والله انا لين الحينه مقهووووووووورة من الحركه اللي سواها فيني
يالسه اقوول هو في بيتنا جيه سوى وطردتني

عقب عاادي يطردني ويقولي سيري بيت اهلج

ادري اني طوولت بس حبيت افضفض ما اعرف اخبر منو
مقهوورة ومضايجه منه واااااااايد

الغلا لا تضايقين روحج

احنا طبعنا ما ننسى بس هم ما يفكرون مثل ما احنا نفكر

احنا دايم نتحسس من اقل شي

اما هم ما يتحسسون من هالامور

ولا يفكرون مثل ما نفكر

الغلا… لو انج بتمين تحسبين لكل كلمه حساب ما بترتاحين بيوم

طوفي كل ما تقدرين

وخلي روحج مرحه دوم

الزعل والكدر ما بيضر احد الا روحج

وعلى ربي يوفقج في دنياج ان شاء الله

ولا يكدر مسلم

الله قصــــــه حلووووووووووووه عيبتني الصراحه … لاتزعلين بس صدج هاالمشاكل ادل على الحب..

انتي مالجه ولا معرسه؟؟؟

المهم كبري راسج لان مالج غير ريلج … ونصيحتي لج كلميه عادي ولا كان فيه شي وفهميه ان مب اي كلمة اقولها او امزح معاك تاخذها جد وتتسرع لازم يكون بينا تفاهم وبس وماعرف شو اقولج..

ترا مشكلتج هاي مب مشكله سوري على الكلمه (دلـــــــــــــع) دلوعه انتي وحساسه وهو بعد..

المهم مااقولج الا طولي بالللللللللللج والله يوفقج يا حبيبتي

لا الغاليه لا تزعلي

هذي حركات الملجه

يحاول يسوي جو اكشن ويجرب كيف ضرابة الازواج

ما عليج كوني انتي العاقل

وسايريه وصدقيني لما تكوني عندوا غير

وانتي وشطارتج الحرمه تقدر تخلي ريلها مثل ما تبا

بالكلام الحلو والاسلوب اللبق ولا تحاسبيه على كل شي كوني صبووووووووره وايد

والله يوفقكم

وغلاتج اني دومي اضحك واطووف اشياء واشياء

وغير احيانا يقولي كلام قاااسي .. بالعكس احيانا ما في احسن عنه

يوم اضايج منه بس ساعات عقب اذكر الاشياء الحلوة اللي يسويها حقي
اقول فديته ما اباا ازعل منه لان في اشياء يسويها .. يخليج غصبن عنج انج ترضين بدون ما هو ايي يراضيج

بس احس الموقف وايد صعب علي وغير نظراته يوم كان يطالعني

المهم مشكوووووووووورة فديــتج ^____^

قصــه <<< شكلج وايد تقرين قصص كرتيني بايامي قبل ^___^

مب سالفة اني دلوعه

انا مضايجه من الحركه اللي سوواها ..

مشكوووورة الغاليه ^___^ وربي يوفقج ويايه ان شاءالله

تسلمين الغاليه ^___^