مضايقة

بنات ممكن اتساعدوني, وحدة ساكنة معاي في البيت, هي خالة ريلي, وانا وايد مضايقة منها, اول انا على بالي هي بتسكن مؤقت عندي اليوم قالت حقي, خلاص انا بسكن في بيتج, انا مضايقة, يوم انا قلت حق ريلي, قالي تبيني اعقها في الشارع, خلها تيلس, ونحن نصرف عليها, بمعنى هي تشتغل وراتبها وايد زين, ومول ما تصرف على البيت, ابى ممكن تعطوني ادعية او ايات اقرا في البيت

سؤال اذا هي عندها احد غير ريلج ومسؤول عنها ؟؟؟

ليش ما اتروحله

واذا ما عندها فحاولي انج تستحميلنها وتحصلين الاجر انشالله

حبيبتي ماوضحتي ليش انتي متضايقه منها
اذا هي كافه خيرها شرها خليها بحالها وماعليج منها
واذا على انكم تصرفون على اكلها وشربها
اعتبريها صدقه لان ماعندها حد واخذي اجرها

تحياتي لج

الله يعينج..

هذي قوية عين ..بس حاولي اتيبينها صوبج
أهم شي رضا ريلج..

والله يساعدج واتحس ع دمها وتظهر من نفسها

ريلي عنده اخوان بس شافتني انا طيبة, وثاني شيء اصلا ريلي كله راتبه في الديون, وانا راتبي ما يساعد, وهي اتعرف انه انا راتبي ما يساعد مفروض اتحس على دمها وتيب اشياء حق البيت, بس ما تيب, وبعد الشغالة تخدمها وما تعطيها شيء

يا حبيبتى خالة ريلج فى حسبة خالج وانتى مسلمه وتحبين اكيد ريلج بعدين خليها ونس لج وصادقيها ويوم بتشوف معاملج طيبه الها حتى هى بزين لج وبعدين احتسبي هذا الامر لوجه الله ناس يحتضنون غرباء او عاجزين كله باجرهالا اذا بيتج اصغير وما يتحمل شوفيلها حد قريب يكلمها احسن لا تحطين نفسج فى الصوره عشان ما يزعل ريلج وتزعل هى والله يفرجها عليج

خلها اتونسج وسولفي وياها ………واستوي صديقتهااا ………خصوص الناس في ها الزمن متقاطعين ….