شحالكن .. ان شاء الله بخير
اول مشاركة لي في هالقسم ^^
بطرح لكم تجربتي في مطعم الفنر … المطعم الاماراتي التراثي…
موقعه في الفيستيفال سيتي – دبي
اصريت على اخوي يوديني من كثر ما اسمع عنه ^^
ومن كثر ما خاطري في مجبوس دياي خخخ
المهم … تفضلن الصور ^^
المدخل من جهه
المدخل من جهه ثانية
اليلسات برع ..
في هالصورة اليلسة ارضية ومفتوحة على بعض
بس رهيبة
الديكور الخارجي
الفتحات الجدراية في المدخل
وهالرادوو
دريشة طاولتنا
السقف فوقنا
المنيووو
تابع ..ـ
كل حد فينا طلب شي..
انا طلبت لي مجبوس دياي طبعا
وفيمتو … صدق فيمتو
الطعم الاولي
واخر شي الشاي فالغوري …
وهاي بعض الزوايا ونحن ظاهرين
في كورنر للسوق الشعبي
وفيه طاولات بعد وناس بعد
بس للاسف ما رمت اصور لان كان زحمة
رايي فالمطعم
اعطيه 100%
من نظافة واهتمام وترتيب وجودة الأكل
صدق حبيته
وان شاء الله المرة الياية بنودي يدوه ويانا ^^
وشكراااا
قواج الله ع التقرير الحلو فديتج
وبالعاافيه
يبالنا نسيرله
مشكوورة الغالية على هذا الطرح و الصور..مجهود رائع
وفعلا المطعم حلو جربته ويا خواتي و بنت عمي
كان حلو وكتغيير عن باقي المطاعم
تسلمين يالغلا على الموضوع
تسلميييييييين عالطرح الرائع
رآئع
بس مآخبرتينآآ عن الآسسعآر ؟