مطلوب خدامه تجيد الطبخ ^^

السلام عليكم.
مثل ماهو واضح من العنوان اريد خدامه للبيت وتجيد الطبخ
الله يعين ويوفق الجميع

للرفع …

موفقه

بالتوفيق

بالتووووووووووووووفيق

الغاليه شوفي المكاتب احسن

شوفي اختي
من تجربتي
خلال شهر ونص غيرت 4 خدامات
اول وحده فلبينية قلت اخذ وجه الله فيها كانوا رادينها قلت يمكن تنفعني
بس للاسف ما تحب تقولين لها شي
تسوي اللي على كيفها
وانا بس كنت اقولها عن المكان اللي ما نظفته ومطوله بالي عليها
بس حسيت انها تبا تشتغل على راحتها ، ومثل ما تعرفين الواحد ما يحب يكون بيته وصخ
يوم شافت اني اقول لها سوي جي ولا تسوين جي قالت رديني المكتب
ويبت وحده سيلانية على اساس كل شي من الطبخ والتنظيف وغيره
قالوا لي المكتب عمرها 46 طلع عمرها فوق ال 50بس بروفيشنال في الطبخ وما تبا شي ثاني
قلت بصبر عليها وانا وريلي وعيالي قايمين بشغل البيت وبعد قالت لا
لاني امل بروحي ابا وحده ثانية وياي
وبعد غيرت ويبت وحده كلمتها وتشرطت عليها انها تشل شغل البيت كله وقالت هيه عادي وانا متعوده وانا وانا وو ووو
المهم بعد اسبوعين ما تحملت قالت البيت كبير وما اقدر اشل كل الشغل
رغم انه غسيل الصحون اساعدها فيه والملابس بروحي اغسله والكوي اوديه الدوبي
وما ادري بعد شو بتا اكثر
والحين يتني وحده نفس الشي قال المكتب قرنتي انها تشتغل كل شي وفي الطبخ ممتازة
الحين صار لها كم يوم
طبخها معقول بس طلعت كبير 53 عمرها وتنظيفها مب هاك الزود وما تعرف تكوي

هاي تجاربي من الخدم
والطباخات شرطهم بس للطبخ ما يشوون شي ثاني
وما تحصلين لانهم حتى لو يعرفون الطبخ ما يبون ما ادري ليش
والله المستعان
والله ييعني على هالخدم