السلام عليكم خواتي …… حبيت اطرح موضوع يهم كل ام في بوظبي …. خواتي ممكن ترشحون مدارس خاصه في بوظبي لطفلين في الروضه والصف الاول علما باني اريد مدرسة قويه في الانجليزي والعربي والدين مع ذكر الايجابيات والسلبيات …. انا عيالي في البطين الخاصه وحابه انقلهم لان تاسيس الكي جي في الانجليزي ضعيف مع انه المدرسة حلوة في باقي النواحي لكن ماريد انجليزيهم يكون ضعيف ارجو الرد واذا رشحتولي مدرسه خبروني اّذا مختلط ولين اي صف ومشكورين واحتسبوا الاجر في الرد … عندكم معلومات عن مدرسة ابوظبي او البسمة او الامارات الوطنيه فرع شارع الدفاع ؟
أترياكم ياحلوين .. ويا الامهات الحنونات
هلا اختي مدرسة أبوظبي الدوليه وايد زينه حق التاسيس انجليزيتهم قويه, المدرسه مختلط ما يفصلون البنات عن الاولاد يعني ممكن تاسسين البنات فيها وبعدين تنقلينهم. انا بناتي فيها بس المدرسه غاليه شوي, ادا السعر مب مشكله انصحج فيها للتأسيس. بالتوفيق
للرفع
شكرا اختي بس شو تحسين مدرسة بوظبي من ناحية الدين والعربي ؟وكيف نظام البريك عندهم لكبار مع لصغار ؟
انا ولدي حالياً كي جي ون في مدرسة البشائر (المصفح) وايد مدحولي اياها لتأسيس الطفل سواء في الدين او الانجليزي
ماشاء الله كل اسبوع يأخذ سورة وحديث ودعاء
بالاضافة الى الحروف بالعربي والانجليزي والاناشيد و الالوان والاشكال وغيره ,.. وكل اسبوع يتعلمون تقريباً 4 كلمات انجليزية
وعندهم انشطة حلوة..
هذا الكلام عن تجربتي البسيطة مع المدرسة في الاسابيع الماضية..لانهم بدوا الكي جي متأخر
وان شاء الله البنات يفيدونج بتجاربهم
شكرا اختي بس حابه داخل بوظبي ..