معاااااناة ابني لاتخلوني

اخواتي كثير محتاجه لكم ..

انا ولدي عمره شهر و5 ايام .. لكن من ولدت بدت معاناته ..اول شي صدري مايسوي حليب كثير ولما يجي يرضع مايلقى حليب يشبعه وانا كنت من المعارضين للحريم الي يشربون عيالهم من الحليب الصناعي وبديت احاول ارضعه لكن بدون فايده غير اسمع صوت بطنه والجوع وبديت اعطيه الحليب الصناعي .. وثانيا بدت عينه اليسار تدمع بدون توقف لدرجه مايقدر يفتحها اذا قام من النوم من الزلال .. وقبل فتره وجهه كله صاير احمر رحت لطبيب قال حساسيه ومش عارفه من وين الحساسيه مع اني مهتمه فيه بكثره .. ورابع شي ماينام الا صدري في فمه واذا مالقاه مستحيل ينام لدرجه عطيته المصاصه .. والله قلبي يتقطع لما اشوفه مع العلم ابني كثير هادي والحمدلله مريحني بس لما اشوفه يتقطع قلبي بنات حد يقولي .. اريد ابني يرضع من صدري ولا يحتاج لا اي شي ثاني ؟؟ واريد حل لعينه المتورمه ؟؟ واريد حل لحساسيه ؟؟ والمصاصه هل لها خطوره ؟

على فكره رحت ماخليت طبيب بس بدون فائده ..

انتظر خبرتكم فديتكم دلوني والله تعبت من معاناة ابني

الله يعينج ….1 للحليب كثرى شرب سوائل ولحلبه وايد زينة 2-الحساسيه شوفي يمكن من الصابون اوالبودر بعض الاطفال يتحسسون منها حاولي تغيرينها 3-للعين اناعيالي كلهم صارفيهم هشي امسحي على عينه بقطنه شاي احمر ثقيل بس بارد كمررة في اليوم

ما يشوف شر بالنسبة للحليب كثري من السوائل الحليب العصائر خاصة عصير الرمان الحلبه الحبه الحمراء والحساسية يمكن من الصابون أو الوشن غيريهم وعشان عينه جربي قطرة الماي ويا الملح بتلقينه في الصيدليه وايد أوكيه تنظف العين والخشم .

شكرااااااااا فديتكم

الغالية يمكن الإحمرار من الحليب الصناعي … ولدي عنده حساسية من الحليب الصناعي العادي فغيرتله لحليب صناعي مخفف للحساسية ….

و عشان المصاصة لاتخافين ماعليه شر

الله يريح بالج أختي..بالنسبه للحليب أختي كلي واشربي الأشياء اللي تحتوي ع نسبة الحليب فيها واايد مثل الملك شيك ورهش والأيس كريم والمهلبيه والحلبه بعد مدره للحليب والسمك كذلك ولدي فديته كانت عيونه تقريبا مثل عيون ولدج تخيل منو شوكانت؟؟كانت من اللحاف اللي يتلحف فيه فليل لانه كان صوووف يوم غيرته واايد خفت عيونه..بالنسبه للمصاصه حاولي متكون في فمه واايد يعني خليها وقت الضروره يعني وقت النوم أو الوقت اللي تكوني فيه شويه مشغوله.. والله يوفقج وطمنيني عليه ؟

بالنسبه للحساسيه يمكن من الحليب او الشامبو او الصابون لان هاي صارت معاي ولدي كان يتحسس من الشامبو ولما غيرته صار اوكيه وبالنسبه للحليب اشربي عصير برتقال فريش يعني في اليوم ثلاث اكواب والمصاصه عادي بس لما يكبر شوي تركيه اياها وان شاء الله تشوفينه معرس وتفرحين فيه