معاناة صديقتي إستأذنتها بنشر قصتها للعظه و العبره

حبيت اكتب قصة صديقتي و هيه تعتبر اعز صديقاتي

صديقتي هذا بنت خلوقه و جميله ماشاء الله عليها

الكل يحبها و يتعلق فيها ماشاء الله

في يوم صار لها موقفو طبعاً القصه طويله و خلاها تبدأ قصة حب طويييييله يا بنات مع شاب ابدا لها كل مشاعر الحب و الإعجاب

بنات انا ما حطيت هالموضوع إلا للعظه و العبره من قصتها .. ومن بعد ما إستأذنت صاحبة الشأن

هالإنسان كان و نعم الريال و هيه ما تعلقت فيه إلا من عقب ما وعدها بالزواج طبعاً (تحت مسمى قصدي شريف)

حتى نحنا صديقاتها كنا نقول هذا فعلاً جاد و وده يتزوجها يعني مب لعاب و كان واعدنها بالزواج

عمره ما زل معاها و لا طلب منها انه تظهر معاه او شي

بس كل ما تلمح له عن الزواج يقولها انا بتزوجج و انا مأمن لج كللللل شي

ابا اكون نفسي

ابا ابني بيت

بسوي و بسوي و بسوي

و في فتره البنت حست بشي غريب

الولد تغير .. و هيه ما تحس بالراحه بالكلام معاه

و يتهرب و قلت اتصالاته .. و قالها بسير دوره شهر و رجع و هو وااااايد متغير

و قالت لازم احط حد للقصه هاذي هو شوفيه غير رايه يعني ؟؟ يبا يتركني؟؟؟

قامت تتصل ما يرد و اذا رد بس يرد و هو برع البيت و مره كانت تكلمه و هو فالبيت فجأه سمع صوت ياهل و كأنه حد دخل عليه و سكر بسرعه و قامت اتدق اتدق و هو اغلق التلفون

نامت هاذيك الليله و هيه مب مطمنه و حلمت حلم و فسرته عند شيخ قالها : هالإنسان خاش عنج شي كبييييييير

و من فتره اتصلت فيها وحده من رقم هيه ما تعرفه

اتخيلو الصاعقه

المتصله زوجــــــــــتـــه
هزبتها ليش تكلمين ريلي و انتي ما تخافين ربج

البنت انهارت تقول انا لو ادري انه متزوج بكلمه؟؟؟؟

و حلفت لزوجته انها ما تدري عن زواجه و لا تدرين انه عنده توأم بنت و ولد

و الدوره شهر (طلع شهر العسل)

و المشكله انه عاااااااادي يتصل من عقب الزواج من فتره لفتره

بس بتقولون ليش انتي حاطه الموضوع

السبب:

للعظه و العبره

للبنات الي يكلمون شباب و يعيشون بأحلام ورديه

و للي تقول حسبي الله على كل وحده تكلم متزوج و تخرب بيته

و الي مثل اربيعتي يا أختي تستاهل تدعين عليها

؟؟؟؟؟؟؟؟؟؟؟؟؟؟؟؟؟

اللهم احفظ جميع بنات المسلمين من الزلات و حب الشهوات و من الفتن

و استرهن فوق الأرض و تحت الأرض و يوم العرض

اختى كل وحده عندهااا عقل واتعرف انه ما في حب عن طريق الفوون وهو ما بيتزوجهاااا جيه ولوو نفرض انها اتزوجهااا بتكون حيااتهم شك فشك … خيره لهاا انهااا عرفت الصدق والله يستر عليهااا

تدرين يا اختي الشيطان قص عليها

و هو ما تقدم لها لأسباب

اهله ما يبونه يتزوج إلا البنت الي هم يختارونها

الحين هيه نفسيتها احسن و هذا بفضل رب العالمين

و راظيه بقسمة رب العالمين

بس بداية الصدمه تعبتها وايد

الحمدلله عدت على خير

ترا هاي مشكلة البنات

العاطفه تسبق العقل

و ينظحك عليهن بكلمتين

وأهلها وين عنها ؟؟؟

الله يستر عليها