معاناتيِ معِ الغده ِ

السلآمِ عليكمِ ورحمةِ اللهِ وبركآتهٍِ ..

حبيتِ انقلِ لكمِ موضوعي ِلآني تعبتِ واآنآ ارمس ِفيهِ ..
وان شاللهِ احصل الفايدهِ عندكم ِ..

انا قبل لآ اتزوجِ كان وزنيِ 59 وطوليِ 165.. وكنت مرتاحهِ والكل يقولِ ليِ جسمج يجنن ِ..
وتدرونِ يعني البنتِ يوم تتزوجِ لآزمِ يكونِ فيِ تغييرآتِ ف هرمونآتِهآ ..
كنتِ عروسِ م اداريِ على عمريِ لآنيِ منِ انولدتِ م حسيتِ اني لآزمِ اداريِ على اكليِ وشربيِ وجي ِ..
لآني اورديِ كنت ضعيفهِ ووزنيِ لو شوِ مآكلتِ م يزيدِ ابدِ ..
والكلِ كان يقولِ ليِ حشاِ بسج اكلِ وليته يبينِ فيج ِ ..

طبعآ عرسي كان ِشهر 3 .. ووزنيِ 59 مثلِ م قلت لكمِ ..
شهر 5 صار وزنيِ 80 تخيلوِ ..
مشِ لآنيِ مهملهِ واللهِ .. بس مادريتِ انه جي ِبيصيرِ ..

المهمِ رحت لدكتورِ .. قال ليِ انتي عندج هرمون الغده بطيئ ..
يسمونه كسل فالغدهِ وهالشيِ يمتنِ بشكل سريعِ وفجآههِ ..

والحينِ ف رمضانِ شديت علىِ عمريِ وخففت اكلِ وايد ..
والكل يقول ليِ ظعفتي ماشالله شو سويتي.؟ والله ي بناتِ انه الكل يقول اقل شي ضعفآنه 7 كيلوِ ..
ويوم اوقف ع الميزان ابا اشوف نتيجت مجهودي اشوفِ انيِ مب ناقصه حتا ربع كيلوِ ياني انهيآرِ ..

في حد صار له مثليِ.؟ ولآ قريب من حالتي ِ.؟

الحينِ ادور اي جمِ فالعينِ .. يمكنِ شوي يساعدني هالشي ِ وينقص وزنيِ ..

والسمووحههِ ع الاطاله ِ.. :

انا يوم تزوجت خلال سنة وصل وزني من الخمسينات للسبعين
بسبب القعدة واكل عيش يوميا وتغير هرمونات
ومرة قالت لي الدكتورة اني لازم انقص وزن عشان تكيس المباييض

فدخلت النادي وكنت امارس الايروبيك والركض يوميا لمدة شهر
مع تخفيف دهون ونشويات

خلال شهر نقص وزني 10 كيلو!! يعني وصلت للستينات

فأنا انصحك تجربي الرياضة يمكن هي اللي تنزل وزنك بسرعة

هيه ان شالله معزمه ب آذن اللهِ انيِ ابذل مجهودِ وانقص ِ..

أنا كنت شراتج بس بعد ولادة بنتي

الحل عدلي اكلج واكلي سمك مشوي او مقلي المهم سمك

الدياي ابد ما تقربين لين ما ترد الغدة طبيعي

ابتعدي عن الحلويات والأكل الدسم حليب او روب او جبن كامل الدسم اشتري قليل الدسم

الفاست فود والغازات والمخللات والمقالي شرات الشيبس والشاي والقهوة كلها تقطعينه

حاولي تاكلين فواكه وسلطات وتشربين وايد ماي وان شاء الله حتى بدون رياضة بتضعفين والغدة شوي شوي بترد طبيعي لكن الرياضة صحة وتعطي لياقة

للعلم الغدة تأخر الحمل فحاولي تاخذين الموضوع بجدية

سبحان الله نفس حالتي
خمول في الغدة
شاده حيلي بالرجيم والرياضة والكل يقول ضعفني بس لما أوقف ع الميزان الوزن حلف ماينزل
والله احترت
حتى اني اشتركت ويا قروب همي تختفي كرشتي بس افتشلت الوزن ماينزل
الدكتوره عطتني علاج Euthyrox 150
ان شاء الله ببدا بالقسط الهندي من هالشهر وبشوف النتيجة
لاني كنت من قبل أعاني من نشاط الغده وعالجتها بالقسط الهندي والحمدلله تعدلت
بس هالفتره الاخيره استوا لها خمول

ادري ي اختيِ خبرني الدكتورِ .. وبعد في ناش قالو لي لازم تضعفين عشانِ تحملينِ ..
اللهِ كريمِ .. بس ناويه صدق هالمرهِ .. وبآكلِ مثلِ م قلتيِ ليِ ..

شو يعني القسط الهنديِ .؟ فيدينيِ الله يوفقجِ ^^