معانات طالبات مدارس الغد

اشحالكم بنات وشخباركم
بداية في موضوعي هذا اتمنى انكم تقرون الموضوع كامل
نحن في مدارس الغد وخاصة مدرستنا الجرف للتعليم الثانوي في عجمان نعاني واااايد من سالفة الاكل يعني تقدرون تقولون عايشين في مجاعة ما شي اكل شرات الناس اول شي الوزارة قالت بتوفر لنا وجبات صحية لانه نرد لبيوتنا الساعة 4 و20 وهذا لان باصنا فاضي وغيرنا يرد الساعة 5 ونص والله تعبنا وااايد ولو تسالون شو نتغدا في المدرسة ما بتصدقون نتغدا شيبس واحد وعصير من الصبح الين العصر ونحن على ها الحاله وبعد المكيفات خربانه ما تشتغل تشوفون المكيف مركزي بس والله حار الصف وهذا كان حالنا من العام ومن فترة قبل الامتحانات وغير جيه الي يخلينا نعصب واااايد المدرسات الي ما يدشون علينا والفسحة الطويلة وبدون اكل وغير جيه الي يبط جبودنا اكثر مطولين الدوام وااايد ونحن مب مستفيدين شي وغير جيه الين احينه ما عطونا نحن الثالث ادبي كتبنا يعني نداوم على الفاضي بدون كتب او دراسه وبعد قالولنا انه كتب الانجليزي بتوصلنا بعد ستة اسابيع ونسيت اخبركم اهم شي انه المدرسه كانت عبارة عن زباله في اول يوم لنا كل بيبات الماي خربانه والماي طالع من الحمامات للممرات والله اكثر شي كنت احاتيه ثيابي اليديده الي خاسة في البواليه ولا اليوم ياينا واحد صحفي جنا او من الوزاره بس الي سمعته انه من جريدة البيان على قولت البنات وسالنا عن المكيفات ونحن تمينا نقول الي في خاطرنا لكن مديرة المدرسة ( أمينه نصار ) ما قصرت اتنازعنا عشان ما يكتب شي غلط عن المدرسة وشي بنات قالو ما شي اكل في المدرسة وحرجت المديرة ليش قلنا وجان اتقول ها الاكل كله ما مكفيكم اي اكل الله يخليج هههههه
شيبس من العام ما تغير كران شوس وجبن يخلص بسرعه او زعتر وعصير نوع واحد وحار وما ي حار وثلاجة المدرسة الله يخليها لنا البنات يشربون منها
ادعولنا الله يساعدنا وحد يسمع منا والي اتعرف حد من الوزارة اتوصله ها الكلام لانا نحن صدق محتايين حد يسمعنا ………………..
سوري طولت عليكم واااايد…..شسوي مب مني هذا قلبي الي يكتب…..
مع السلامه

فظيييييييييييييييييع الله يعينكم بس انا الحمدلله تخرجت السنه اللي طافت

وانا من بوظبي وتصدقين نفس معاناة الاكل ما يبون عالعدد لا يمكن الاكل بس يسد ربع البنات

يبونا نظارب عند المقصف على سندويجات جبن صغيرونه

وانا عايفه اكل المدرسه مرتين حصلت شعره داااااخل السندويش ومع انه مسكرين عليه بالقرطاس يعني ياي من عندهم بالشعر والله يوم اذكر منظر الشعره اتيني لوعه اتخيل اني لو كليتها قبل ما لاحظها << واكلنا من فطاير الخليج واحنا فالبيت كنا نطلب من فطاير الخليج وعقب هالسالفه قاطعناهم وقمنا نطلب من فطاير ليوا ^^"

والله يعينكم اذا المكيفات خربانه وفي هالحر انا فالمكيف حرانه وين اذا بدون مكيف

لازم حد يتصرف ليش انتوا البنات نا تكتبون رساله حق الخليج ولا الاتحاد ترى والله عادي وحطوا اسم مدرستكم وطرشوها

غربلااااااات ابليسسسسسسهم انشالله

ا الله يعينكم والله

تحركي انتي شخصيا مع عدد من المعلمات للمنطقه التعليميه كلموا المدير،، محد يرضى لعياله هالشي

lمدااااارس ااااالغد .. سمعنا عنها الكثير ولكن ماوجدناه في الواقع مخالف لكل ما سمعناه .. واضح أنه لايوجد أي تخطيط لفكرة هذا المشروع ( وإذا كان هناك تخطيط فهو غير منظم ) .. إلى متى سوف تستمر وزارة التربية والتعليم في التخبط .. سؤال أتمنى أن أجد له جواب .. والله ما يحدث يؤلم القلب

الغالية سوي تلفون حق وزارة دبي واشتكي عليهم

الله يعيينكم