معظم المتزوجين خونه .!

انا حبيت اطرح هذا الموضوع وحابة استفسر ليش اغلبيه الرياييل خونه .!

كتبت هذا الموضوع من الي جفته يدام عيني ..

انا ماقلت ان كـــــــل الرياييل خونه لااااا .. انا اقول ان 90 من امية خونه .!

بنات انا كنت اداوم في شركة خاصه .. تقريبا كان عدد البنات 10 وعدد الشباب 12

في منهم يحاولون يتقربون صوب البنات وفي منهم لا .. وانا كنت اقول عن النص الثاني محترمين ..

وحتى ربيعتي كانت تمدحهم طبعا هاييله متزوجين..

في واحد ماخذله مواطنه ومتزوج عليها بالسر من وحده اجنبيه مابقول شو جنسيتها يعني انجليزيه .!

اتذكر اول يوم كان كل واحد قالوله اتكلم عن نفسك .. وهو تكلم وقال متزوج 2 والثانيه ماخذنها بالسر اونة يستظرف دمه ..

بس كنت اجوفه محترم لنه ولا مره اتطالع فيه وماجفته رمس وحده وكله يتطالع الارض ..
والثاني بعد كان يعيبني لنه محترم وروحه متزوج بس كان يسولف ويا البنات يعني ينكت ويحط موشي ثاني لالا..
لما كان يرمسني انا مارد عليه طاف خخخخ ماداني اصلا روحي استحي ..

المهم هذا الثاني البنات متلزقات عليه لمن يروحن الحمام يتكشخن وكل وحده تقول انا اتكشخ حق …..
يقصدن هذا ( الي يسولف ويا البنات ) .. وهن عارفات انه متزوج ..!

كل وحده متخبله عليه لنه حليو شوي وشخصيه ع قولتهن ودمه خفيف ..!

وفي واحد ثاني بعد متزوج بس البنات كانوا يقولولي انه كله يجوفج .! عاد بكيفه يجوفني لين مايمل انا مايخصني ولا مره جفته اصلا هب حافظه اشكال الشباب الي عدنا .!
المهم هذا مسوي عمره واحد محترم وشخصيه وكله ينصح بالشباب .. الخ بس سمعت انه ظايف بنات ويسولف وياهن .. ><

بس في وحده بالدوام مايعه مع ان مب لايق عليها حتى لما اتي اتسلم ع الشباب تمد ايدها ..

وظايفه اغلبيه شباب الصف وكل المتزوجين .!

تخيلن بنات من عقب ما فرقونا ( لنا كنا في فتره التدريب ) سمعت ان هذاك الثاني ارتكب الزنة ويا 3 بنات ..!

وهالاول الي متزوج حرمتين قايل عطوني وحده عشان …….!

استغفر الله

وهذاك الثالث الي متزوج يشل بن كودات البنات بدون مايعرفون يظيفهم يعني عن طريق البنات الضايعات الي عدنا ..

وعدنا شباب اعمارهم 18 سنه .. يغازلون وحالتهم حاله ..

اتصدقون ان الـ 11 من 12 واحد كلهم يغازلون ومتعرفين ع البنات

تبقى واحد .. والي هو ماجفت شكله .! ماسمعت صوته .!

يالس ورا بروحه .! ومب مرابع احد .! وعمره 27 سنه ..

ويوم البنات يتمشن يدامه ينزل راسه ع الارض دوووووم اجوفه دافن راسه ع الارض .!

يعني مايخصه لا في بنات ولا في الاولاد .. ومسمينه المطوع اونة .. ><

استغفر الله ليش جذه ..

الريال لما يخون حرمته .. يكلم 20 بنت في مسن او موبايل .. يقول مب خيانه اللهم اتسلى .!

والحرمه لما تخون ريلها .. يكون لها الف سبب وسبب .. يعني في اشياء تدفعها ع انها تخون ريلها
وفوق هذا اتلوم نفسها احيانا .. واذا ريلها تغير للاحسن بتقطع كل العلاقات ..

الريال لما يتزوج .. يتذكر عشيقته .. ويمكن يتصل فيها ويتطمن عليها ويسولف وياها ..
والحرمة لما تتزوج .. تنهي كل العلاقات وتنسى كل شي ..وهمها ريلها وبس ..

انا ربيعتي اعرفها تقول زخيت خطيبي يرمس بنات وواجهته قالي : وهذا اتسمينه خيانه ؟ انا اتسلى وبس.! مع انه كان يطلع مع البنات ومتعرف ع كل ربيعاتها .!

ومره ربيعتي ( هي متزوجه ) قالتلي : في يوم يالي رقم غريب .. وخبرت ريلي وخليته يرد ع عليه .!
من هاك اليوم تم يشك فيه وكله يفتش بفوني .!

جفتوا الرياييل ع شو يشكون ع اسخف شي ..
وهذاك الي متزوج اجنبيه ع حرمته .. يقول حرمتي ماااااتشك اصلا وواثقه فيه ..
حرام هاي يزاة الثقه ..؟

ليش ..

لما الواحد يخون وحده يقولون لها اصبري وتحملي وادعيله بالهدايه .!

ولما الوحده تخون واحد ايطلعونها اقذر وحده بالكون وماتستاهل تعيش لحظه..!

ع فكره الرياييل عيونهم زايغه ويدورون احسن عن الي يعرفونها .. ويتمون يدورون ويدورون .!

الي تقول اشاعه ولاتصدقين .. تراهم بنفسهم ناشرين الخبر وقايلين نحن جي سوينا ويا هاي وهاي .. يعني فاضحين البنات .. والبنات اشكره عيني عينك
سايرات يركبن سيايير الشباب .. يعني روحي بعيني شايفه هذا الشي يدامي .. وتكرر اكثر من 10 مرات ..
اذا مستغربين ترى جهات خاصه جذه اتلاقون المسؤول اجنبي والاختلاط امر عادي .. وانا الحمدالله طلعت من هالدوام

رياييلنا تافهين وماعندهم الا المغازل الكافر اخلاقه احسن من اخلاق المواطنين

لكن اقول لج اللوم على الحريم والله هم اللي خلوا الرياييل يفتكرون انهم عادي يغازلون ويخونون لانهم دوم يسامحونهم
والله لو الرياييل شايفين العين الحمرا من الحريم والله ما كان بيكون هذا حالنا

شوفوا الزلمات نادر ما اشوف واحد يخون زوجته ولا متزوج عليها!

بس هني الرياييل مب شايفين خير وعدهم هالشي يفتخرون فيه ولما يشووفن الحرمة عادي بتسامحهم يستقوون وغير المجتمع ناشر فكرة الريال شايل عيبه والمصيبة لما تسمعين حريم يقولن جذي