معكرونه بالمشروم

هلا خواتى شو اخباركم وشو اعلومكم , المهم اليوم الظهر كنت ميته يوووع قلت خل اسوى طبق أليفريدو للاخت اليازيه بس شفت المكونات ناقصتنى , قلت اوووه خل اسوى معكرونه غريبه وسهله وحلوه بنفس الوقت وقلت خل أبدأ مع التصوير طبعا وكانت حزتها مسرحيه طارق العلى وانا اعيون بالصاله واعيون بالمطبخ المهم خواتى *_^

المقادير :_

معكرونه اى شكل تبينه كيس كامل
بصل حبتين مقطع قطع اصغار + ثوم وزنجبيل مطحون ملعقه تكفى
طماط حبتين امقطع قطع اصغار
جزر حبه وحده نبشرها
فلفل اخضر حبه وحده انقطعها قطع طوليه
علبه مشروم
صلصه صويا
صلصه طماط حبتين او حبه
ملح+ملعقه من الفلفل الحار + ملعقه من البهارات المشكله +ملعقه كبيره من اكليل الجبل + ملعقه اكبيره من زعتر برى + مكعب ماجى
زيت زيتون + جبن شدر كوب ونصف .
الطريقه :_

نسلق المعكرونه فى جدر مليان ماى وشوى من الزيت عشان المعكرونه ما اتلزق عندكم.ونشخلها ونخليها على جنب..

انيب جدر ثانى ونحمس البصل والثوم و الزنجبيل لين يذبلون عدنا

بعدين انظيف المشروم والجزر ونحركم زين ما زين وبعدين الطماط عشان يذبلون

بعدين انظيف الفلفل الاخضر البارد وشوى من صلصه الصويا تقريبا فنجان وصلصه الطماط

بعدين انظيف كل البهارات الى كتبتها وطبعا ملعقه ملح ونظيف له تقريبا كوبين ماى عشان يثورون زين مازين بعدين انظيف كوب ونصف من جبن الشدر ونحركهم واخر شى نظيف المعكرونه

وها للى اترد أول شى