سويت لكم معكرووونه تجنن وتهبل .. كل من طعمها يسالني شو طريقه.. وحتى اني حطيتها في كذا منتدى عجبتهم وايد احم احم .. والمعكرونه من اختراعي .. بس والله طعمها حلو على ظمانتي ..
الطريقه ..
اول شي نسلق المعكرونه مع : : :
النعناااع
الفليفلات اخضر واحمر ويمكن اصفر بعد الي عندج .. بصل اخضر .. فلفل حار ( اختياري )
ونترك المعكرونه لين ما تتسلق مع الخضار ننتقل الى الخطوه الثانيه الي هيه الدياي
نقطع بصل بطريقه هذي
ثووم قطعته حلقات ..
صدور دجاج قطعته صغير بس مب صغير وايد .. بطريقه هذي
اول شي نقلي البصل مع شويه زبده .. لا تكثرون الزبده علشان الدهون اوكشن .. المهم نقلي البصل مع شويه زبده .. ويوم يذبل البصل ويصير لين اصفر فاتح .. نحط عليه الثوم .. نقلبه دقيقه وبعدين نحط الدياي .. ونحط عليه علبة ماجي .. سنوت.. بارباريكا مطحون .. ريحان .. اورغيانو بيتزا .. شوية بهارات دجاج .. وذرة فلفل اسود .. وملح لو كان يحتاج .. لانه الماجي يكفي ..
ونقلبه مع البهارات .. ونخلى النار عليه نص نص .. ونحركه دقيقه الين ما يستوي .. طبعا هو بياخذ اكثر عن ربع ساعه .. وانا ما صورت شكل الدياي .. نسيت ..
ننتقل الى الخطوه التاليه الي هيه صلصلة الاجبان المنوعه ..
كوب الى ربع جبنه رومي ( اهو سر النكهه )
اربع ملاعق جبن مراعي سائل ..
جبن شيدر
كريمه
نخلطه كله في الخلاط .. ..
والحين تقريبا المعكرونه نسلقت وخلصت نحطها في مشخله ..
انيب صينية الفرن .. اول شي نحط المعكرونه .. بعدين نحط الدياي .. بعدين نحط معكرونه .. بعدين نجب عليه صلصلة الاجبان بالكريمه وبعدين نرش عليه شوية جبنه رومي .. بشكل هذا
نحطها في الفرن من تحت ثلث ساعه .. ولازم ما تنشفينها .. حلاتها لو كانت سايحه ..
وهذي بعد الفرن
وهنيه انا حطيتها في صحن وجاهزه للاكل ..
جربوها وقولوا رايكم ..
من شكلها شهيه
تسلم ايدينج
بس الجبنه الرومي ماعرفتها ياريت تعرفيني بها
حبيبتي دبي جبنه رومي تلاقينها في كارفور او اي جميعه .. سيري عند الي يبيع الجبن واللبنه.. مب صوب الثلاجات الي فيها جبن ولبن وحليب .. لالا في مكان جيه في كارفور وبتلاقي واحد بشرف على هذاج المكان يبيبع جميع انواع الجبن .. وقولي له اريد جبن رومي مبشور .. بيعطيج .. وانا اييبها من كارفور..
ابدعتى يا غاليه
جزاك الله كل خير
وان شااء الله انجربهاا
عووافي
