معلمات الصف العاشر كمبيوتر . محتاجه مساعدتكم

وينكم خواتي المعلمات؟؟؟؟؟؟؟؟

مرحبا الغالية ..

امممممم انا طالبة كنت بالصف العاشر ..

والبرامج اللي درسناها الجف انميتر وأظني انحذف

والفرونت بيج والاكسس والفلاش ..

عندي بعض أوراق العمل المعلمات كانو معطيني إياها

ما ادري إذا موجودهـ بعدها بدور وبردلج خبر يا ابلة

مشكورة يا بنتي

رووح بيبي

صج انج طالبة مجتهده

مرحب ابلة ..

وسمحيلي ع التأخير بقولج بعض الأشياء المهمة لبعض البرامج ..

1: الاكسس

طبعا التعريفات ( الجدول ، السجل ، الحقل ، التصفية ، الاستعلام ، … إلخ )

فائدة قواعد البينات طبعا لازم أول ما تشرحين لهم الدرس تقولين لهم نحن نتعلم هذا البرامج لأنه يفيدنا بـ ….. مثلا بإدارة ملفات المستشفى ونسوب التقارير وهالسوالف ..

وطبعا تعلمينهم كيف يفتحون هالبرنامج يعني إبدا البرامج وجي طبعا صح اسئلة سهله بس اتيي بالامتحانات ..

وامثلة على قواعد البينات ..

وطبعا لازم يعرفون إن قواعد البيانات تحتتوي على تقارير وجداول واستعلامات و …. إلخ ..

وتخبرينهم بعد لما تفتحين واجهة البرنامج يعني اللي فوق شو ؟ عنوان وتحت قوائم وهذا شريط التمرير وهكذا ..

وهذا اللي جفتهـ بالأوراق عن الأكسس

2. الفلاش

انا ما كنت أحب هالبرنامج لاني غبت فيه كم يوم وكرهته عقب

الموهيم تعلمينهم كيف الدخول للبرنامج والتعرف على واجهت البرنامج

ومنها التولس والعنون والقوائم وغيره ..

وتعلمينهم كيف يظهرون الألواح ويخفونها وفائدتهـ عمل الفيلم

وتعلمينهم كيف يسوون مستند فارغ بدون شي اللي هي فايل ونيو ..

وبعد تعلمينهم كيف يسوون صفحة للعمل الستيج ..

ويغيرون عرض الفيلم وارتفاعة اللي هو بصفحة العمل طبعا بالبكسل

وطبعا تعرفينهم ع التولس مال البرنامج وفائدة كل أداة منهم << وهاللي ما احبه كل برنامج له شي

وتعلميهم شغلات بسيطة كيف يرمسون دائرة ويعرضون مالها الإطارة ويلونونه بلون

ويعبونه بلون آخر والشي المهم اهني السهم يعني لما بيلونون الإطار يهوسون عليه عقب يختارون لون

بيعبون داخل يهوسون بالنص أحلى شي كان بالدرس ..
وبعد كيف يقصون الدائرة بالنص ويبعدونها عن الجزء الثاني

وبعد تعلمينهم على أداة القلم الرصاص كيف يرمسون خطوط منحنية وخطوط ع شكل مربعات والخطوط الحرة

خخخخ ما اعرف أفهم عدل .. وبعد تعلمينهم كيف يحفظون الفيلم اللي سووهـ

امممممممم وفي شغلات عن الطبقات ما فهمتها عدل بس بطرشلج اوراق عمل من النت لها ..

وكيف يدرجون غطار وكيف يحذفونه بعد ..

والباجي باجر ..

مشكورة حبيبتي ع الرد

ما قصرتي

بس انا كنت حابه اذا شي اوراق عمل جاهزة او ملخص لبرنامج الفلاش خاصة