مرحبااا خواتي
صارلي اسبوع من ولدت وظهرت بوادر الصفار فولدي بعد يومين، لما يتني المسيّحة اليوم يلست تعطيني نصايح وتتخبرني شو اشرب وما اشرب، قلتلها من ربيت وانا اشرب الحبة الحمرا، واليوم ببدأ اشرب حلبة، قالت لااااااا تحمّلي ولدج فيه صفار وهذيل الاثنين يزيدونه، واصلا الحبة الحمرا حارين وينفعون في البرد، لكن يوم منهن فايدة استخدميهن قبل لا تخلصين نفاس.
مادري معلومتها صح ولا لا، من يوم يومنا نشرب حلبة وحبة حمرا اول مرة اسمع هالشي….
اختي حطي ولدج في الشمس تراه زينة حق لصفار مايشوف شر ان شاء الله
احطه عزيزتي نص ساعه عالشمس ويعطيج الف عافية
انا ولدي كان عنده صفار بس اشرب حلبه و ولادتي كانت فالحر بس كنت احطه الصبح فالشمس بس الاشعاع مب مباشره
شربي لبن مع ملعقة كركم وايد زينه كنت اشربها بولدي لما ياه بصفار
تقريبن اكثر اللي يربن لازم ايي الياهل بوصفار لو شوي
انا عن نفسي بنتي ياها والوالدة ماقصرت حطت فصين ثوم ف خلقة وربطتها وحطيتها ف المنز من داخل وخليت الفراش فوقه ماتصدقين انه اسبوع وراح عنها نهائي جربي الطريقة وبتشكريني
لا اله الا انت سبحانك اني كنت من الظالمين