مرحبا خواتي
منوه عندها معلومات عن بروكسل/ بلجيكا
السكن : افضل الشقق الفندقيه – الفنادق القريبه من شارع المشاه
وافضل الشقق
الاسواق : المراكز والمحلات اللي تذكر لي اسامي المحلات الحلوه لكل شي حتى للاطفال
الحدايق: تذكر لي الحدايق اللي تستاهل الواحد يزورها
المتاحف ان وجد
الشوارع المشهوره عندهم
اي معلومه ممكن تفيدني … ونصائح من عندكم لا تبخلون علي فيها
وجزاكم الله خير خواتي ^__^
Sheraton Brussels Hotel
Hilton Brussels City Hotel
Crowne Plaza Brussels City Centre Le Palace
فنادق قريبه من ساحة جراند بلاس
Royal Windsor Hotel Grand Place
Le Meridien Brussels
Brussels Marriott Hotel
فنادق قريبه من شارع الماركات
Conrad Brussels
Hotel Bristol Stephanie
Four Points by Sheraton Brussels
Warwick Barsey Hotel
بعد ابا معلومات
ولا وحده سافرت بلجيكا ؟
الفنادق
بالنسبة للسكن في بلجيكا انصحج تتاكدين من ان الشقه الي بتسكنين فيها تكون مكيفه وتقدرين تتاكدين من هالشي عن طريق موقعهم في النت
فندق Thon Residence Parnasse وايد زين مكيف وفيه من غرفه وصاله لين ثلاث غرف ومطبخ وبلكونه وسعره مناسب
بس اذا تبين افخم عنه فأنصحج Marriott Executive Apartments Brussels وهو قريب من الفندق الاول ويبعدون تقريبا 500 متر عن شارع الماركات
واذا تبين زياده ففي هالموقعwww.booking.com
التنقل
انصحج تستاجرين سياره لان بالسياره بتقدرين تسيرين اماكن وايد وتسافرين للدول المجاوره في ساعات قليله وتعرفين نحن العرب مانعرف عن اغراضنا وعربانات صغاريه واكياسنا ماتنشل فصعب التنقل بالاندرقراوند وانتي عندج كل هالاشياء
الشوارع الرئيسيه
بالنسبه للشوارع الرئيسيه المعروفه في بروكسل شارع افينيو دي لا تويسون العرب يسمونه شارع الماركات فيه اغلب الماركات العالميه ويتفرع منه شارعين كلها محلات
المنطقه المشهوره الثانيه هي الجراند بالاس وفيها مطاعم ويلسات ومحلات
الأسواق
شارع الماركات وهو في محطة لويس
سيتي تو city 2 وهو تجمع لمراكز تسوق كثيره
مركز ولووي
وفي عندهم كارفور
الحدائق
لازم تزورين ميني يوروب (اوروبا المصغره) وهي بجانب الاتوميوم المعلم المشهوره فيه بلجيكا عباره عن مجموعة كرات معدنيه عملاقه
اوروبا المصغره مثل حديقه وفيها اشهر الاشياء في اوروبا ولكن مصغره مثل برج ايفل وبوابة النصر
حديقة الالعاب سيكس فلاغز وهي حديقه العاب كبيره فيها شخصيات لوني تونز مثل الارنب والبطه مال الرسوم متحركه
وعلا فكره تقدرين تسيرين لمدينة الالعاب ديزني لاند تبعد ساعتين تقريبا عن بروكسل
واذا عندج اي سؤال فانا حاضره