معلوومه جدا خطيرة للي تبا تسوي رجيم صحيح

ولكن للاسف اكتشف انها معلوووومه

خطأ مليوووووووووووووون في الميه و بقولكن ليش

اول شي هالرمسه مب من عندي هذا كلام دكتور في الطب البديل
شفته في قناة بداية، ما شاء الله عليه انسان ملتزم
وكل شي اييب لج فيه اثبات من السنه او القران و هو يعالج بعد بالطب النبوي
بس للاسف ما اعرف اسمه بس دايما اشوفه فيها

المهم زبدة الكلام ليش خطاء اننا ما نشرب ماي ويا الاكل

اولا: المعده تحتاج من 2 الى 3 ساعات علشان تهضم الاكل الي ناكله
وعلشان تهضم لازم اول شي يكون مع الاكل ماء علشان تتم عملية الخلط والهضم بسهوله
وغير جيه لازم يكون في المعده مساحة كافية علشان تتم عملية الهضم بشكل صحيح
من وين يبنا هالكلام
مب من عندنا ,,, هذا كلام الرسول الكريم -صلى الله عليه وسلم.

في الحديث الشريف
ما ملأ ابن آدم وعاء شراً من بطنه بحسب ابن آدم أكلات يقمن صلبه فإن كان لا محالة فثلث لطعامه و ثلث لشرابه وثلث لنفسه"

والقصد ثلث للنفس مب الهوا الي في الرئه او انه يوم ناكل وايد نصك على الرئه في التنفس
لا هو القصد الهوا والمساحة الي لازم تكون في المعده علشان تسهل عملية الهضم

ثانيا: لما ناكل وشرب مع بعض، وللعلم الانسان علشان يحس بالشبع لازم ما ياكل في مده اقل عن 20 دقيقه،
لانه بعد هالعشرين دقيقه الانسان يحس بالشبع،
و اكبر خطا انه يكون الاكل بشكل سريع بالعكس
اكلي بهدوء و امضغي الاكل عدل علشان يسهل في الهضم

لما تخلصين اكل
المعده من نفسها تصكر فتحة اعلى العمده و فتحة اسفل المعده و تبدا في عملية
تقليب الطعام و الماء علشان تبدا الهضم،
علشان جيه لازم تصبرين اقل شي ساعتين ما تاكلين شي

اذا اكلتي او شربتي خلال هالفتره راح تسببين لنفسج الاتي:
اول:
شي تجبرين المعده انها تفتح الفتحة العلويه منها علشان تستقبل الطعام و بالتالي تتوسع و تعرقل عملية الهضم
ثانيا
هالشي يسبب لنا الشعور بحرقان في المريء بسبب صعود الطعام محملا بعصارة المعده للمريء بسبب الفتحة العلويه

علشان جيه يا حبايبي
لازم ناكل بهدوء و ببطئء و في مده ما تقل عن 20 دقيقه
لازم نشرب ماي مع الاكل علشان نسهل عملية الهضم
لازم بعد الاكل نصبر اقل شي ساعتين وبعدين نفكر ناكل شي او نشرب شي

هذا الي اذكره من كلامه
وصدقوني يا بنات اني جرب نصايحه واستفدت
اول شي انا انسانه كنت اكل اللقه ووراها شربة الماي بس لاني قريت انه يسبب الكرش صرت ما اشرب الا بعد فتره وهالشي اثر علي
لاني ما صرت اشرب ماي وايد واثر حتى على بشرتي
ثانيا ما صرت احس بالامتلاء واحس نفسي خفيفه ونزل وزني بعد
لاني كل ما ييت باكل اقول حق نفسي بعده مامرت ساعتين واكيد المعده بعدها تهضم خلني اصبر
وفعلا اصبر حتى اني انسى سالفة الاكل

وفوق هذا و ذاك احنا جيه نطبق نصيحة الرسول عليه الصلاة والسلام

وهذا كل شي عندي و السموحه طولت عليكن بس حبيت اني افيدكن مثل ما انا مستفيده منكن

والسموحه عالقصور