مغامراتي مع الدايت

السلام عليكم

طبعا انا عضوه جديده بس قديمه مشتركه من زمان بس ماكنت اشارك صراحه الوقت مايساعدني بس ان شاءالله اكوم عضو فعال

بصراحه فتحت الموضوع لاني اعاني طبعا من الوزن الزياده وحبيت افيد واستفيد فبكتب لكم مغامراتي مع الدايت خصوصا اني اليوم سرت عند الدكتور والله يستر

طبعا هالدايت الكل يعرفه لانه هوهو نفسه ماتغير من الاف السنين يعني اللي كانت تسير عنده زمان تطلع اوراقها الجديمه وتمشي عليه المهم انا بصراحه سرت له اليوم وعطاني الدايت ومعاه ادويه طبعا انا لاني ماسوي شي قبل ماشيك في قوقل(احلى اختراع الصراحه) ويو تيوب سرت ودورت عن الادويه لان هم قالوا فيتامينات وطبعا كذب ( الادويه هي Psyllium husk و Chromium picolinate )
المهم انا الصراحه دورت بالنت هو معروف انه بروتين دايت وحصلته بنات كتير حطوه بس ولا حد حط اسم الادويه فسرت له الان انا انسانه خواااافه البنادول ماشربه واصلا ولد خالتي صارت له مشكله بسبة هالادويه فخفت مع انه الدكتور قال لي اذا ماحبيتي تاخدي الادويه لاتاخذيها خصوصا ان انا عندي بيبي وارضع.

خلاصة الكلام انا بكتب ان شاءالله مغامراتي معاه عشان البنات تستفيد وهابياناتي:
الطول : 162
الوزن :79
ارضع عندي عسوله عمرها 3 شهور الله يحفظها

طبعا عشان الرضاعه ممنوع اشرب شاي الرويال وبدل البيضه اللي بالصبح بيضتين وبالسلطه ممكن احط ملعقه صغيره زيت زيتون.

ادعوا اللي بالتوفيق والله يصبرني على رجيمه

ما جد قريت ريجيمه الصراحة
بس امنالج كل التوفيق

ربي يوفقج

وهالدايت اللي عطاني ياه

الفطور:

1- عصير جريب فروت الصفا او لاكنور او ليمون او طازج

2- شاي أو قهوة بدون سكر وبدون حليب ممكن استعمال كاندريل

3- قطعة جبن قليل الدسم ( 4 شرايح) أو بيضتين مسلوقة+ طماط خيار و خس اي كميه

الغداء:

1- سمك أو لحم ( بقري) او دجاج منزوع الجلد مشوي أو مسلوق اي كميه

2- عصير جريب فروت او ليمون

3- سلطة خضار بدون زيت( انا قال ممكن احط ملعقه صغيره زيت زيتون)

العشاء:

1- مثل الغداء تماما.

2- بدون كمية محدودة لحد الإحساس بالإشباع.

ملاحظاتمهمة:

1- جميع أنواع الزيوت والسمن ممنوع تماما.

2- يؤخذ شاي الأعشاب رويال لتفادي الإمساك. ( انا قال لي ممنوع عشان الرضاعه)

3- يجب شرب كميات كبيره من الما 8 أكواب يومياً أو شرب الشاي الاخضر 3 مرات يومياً يمكن تحليتة بالسكر البديل(كاندريل)

4- عند الإحساس بالجوع يمكن تناول ( خيار، خس، طماطم) بين الوجبات بأي كمية.

5- يمكن تناول الشاي والقهوة بأي كمية مع تحليته بالسكر البديل حسب الرغبه.

6- الفواكة ممنوعه كلياً.

7- الخضروات مسموحة(كوسا، قرنبيط، ملفوف، باذنجان، كرفس، جرجير، بقدونس، نعناع، بصل، خس، خيار، طماطم، ثوم) عدا ( الجزر والبطاطا).

8- يمكن أخذ الماء مع الليمون بدون أو مع السكر البديل.

9- ممكن إضافة الخل ( خل التفاح ) أو الليمون مع الأكل أو السلطة.

10- ممكن استخدام جميع انواع البهارات.

11- تؤخذ أنواع الأسماك الخفيفة أو التونة المخزنة بالماء>>>>>ماحب التونه ابدا.

12- الدجاج منزوع الجلد و الدهن قبل الطبخ.

13- يفضل عدم الإكثار من ملح الطعام لمنع احتباس السوائل بالجسم

الله يوفقج حبوبة