من زمان ف خاطري اسوي معكرونه بالباشميل .. فأمس دخلت النت ويمعت المقاير منه ومنه ورحت اطبق طلع وااااو ^^
وبالمره طرشت لاختي لانه توها مالجه وريلها يحب الباشميل .. واليوم بيزورها فأونه اونه يعني هي اللي مسوتنه خيييييخ .. ذكرتني بأيام الملجه يوم اخلي خالوه تطبخ واقول حق ريلي انا مسوتنه لووووول
وسوالم ^^
الطريقه ولو اني متعايزه اكتبها ^^
اول شي تيبيين اي معكرونه اتحبينها .. تسلينها بماي وملح وقفشة زيت ..
لين ما اتخلص المعكرونه حضري خلطة الباشميل .. انا سويت الخلطة الجاهزه وهي عباره عن ظرف خلطة الباشميل مع كوبين ونص حليب تخلطينهم عا لنار لين تستوي الخلطه غليظه وتبندين عنه ..
عقب اتجهزين الصلصة اللي بالنص وهي عباره عن :
اتييبين جدر اتسوين فيه شوية زيت لين يسخن عقب ضيفي بصله مفروووومه .. اتريي لين يشقر لون البصل عقب ضيفي ثوم وزنجبيل .. عقب ضيفي البهارات انا سويت ملح+ كركم شوي + فلفل احمر مطحون
عقب ضيفي الدياي المفرووووم وحركيه لين يتفتت كامل عقب ضيفي الطماط انا سويت طماطتين .. وقلبيه عقب ضيفي قفشتين كبار معجون طماط وكوب ماي .. قلبي شوي وخليه ع النار مال 10 دقايق ..
انيي للمعكرونه اللي سلقتيها .. اخلطيها بنص خلطة الباشميل اللي سويتيها قبل وضيفي عليها جبن مبشور شوي ..
عقب قسميها نصين .. نص صبيه ف البايركس .. عقب صبي الصالونه اللي سويتيها … عقب ردي سوي الباقي من المعكرووونه وصبي عليها الباقي من خلطه الباشاميل ورشي جبن مبشوووور وايد ..
دخليها بالفرن وخليها مال ربع ساعه لين تشوفينها احمرت من فووووووق وطلعيها
واستمتعي بأحلى طعم … ^^
بس ما يخصني لو زدتي كمين كيلووو .. انا مسويه ريجيم ما كلت الا قفشه وشوي عن خاطري لوووول
تسلم الايادي
ولا تنسين اطرشييليه اشويه عن خاطريه
غرااااااااااااااامي البشاميل يمي يمي