مرحبا خواتي
اليوم امتحنت اخر امتحان و مستانسة عندي اجازة شهر
.gif "12 (42)")
بس ماعرف شو اسوي فيها ؟؟!!!
اقول لريلي خلنا نسافر عالاقل اسبوع نسير اي مكان .. يقول لي حد يهد البلاد هالايام .gif "12 (4)")
قمة الاحباط
انزين لو بغينا نسافر وين تقترحون علينا لمدة اسبوع و سفرة خفيفة لدولة قريبة و حلوة .gif "12 (73)")
ولو ما قررنا نسافر و ما اقتنع ريلي شو تقترحون علي اسوي خلال هالشهر …؟؟ مابغي ايلس جيه !!
انزين ممكن اسجل في جيم ؟؟!! او دورة سباحة >>> سباحة في هالبرد .gif "12 (61)")
و لا دورات ثانية ؟؟!! خبروني خواتي … مابغي يطوف الشهر في رقاد و سبات في هالجو البارد تحت اللحاف فقط .gif "12 (17)")
يلا اتريا اقتراحاتكم
في ميزان حسناتج ان شاء الله
ننتظر كل يديد من صوبج
وعساج دوووم ع القوة
اختي ممكن تسيرون تايلاند او سنغافورة او البحرين او العمرة
وعندج مجال و وقت كبيرللعناية وتدليع نفسج ..مثلا سيري سبا
حاولي تتهتمين في جمالج ..سوي حمام مغربي ..غيري في قصة شعرج او اصبغي اذا تحبين
اذا عندج صغارية حاولي اطلعينهم للحدايق او الالعاب في المراكز
سيري القرية العالمية ..والحين مهرجان التسوق مقرب ..و بتكون فيه عروض و تنزيلات ..فكري شو تبين تاخذين
روحوا دبا العقه عند فندق الميرديان وايد حلووووووو
أو روحوا منتجع باب الشمس
انا بصراحه ماأأيد الواحد يسافر عندنا في الشتا لانه جونا وايد حلوو
والله الحال واحد…انا بعد باخذ اجازة اذا الله راد في شهر فبراير….وما ادري وين أسير… ريلي اقترح منتجع جال اللي في دبا….
الميرديان رائع عن تجربة جان بتسيرين….
انا بتابع معاج موضوعج علشان أستفيد…هههههههههههه… بما اني باخذ اجاوة وما اعرف وين اسير….
واذا قررتي تسافرين سيري العمره .
ولا سيري جزيرة بورا بورا الفرنسيه رووووووووووووووووعه احلى عن موريشس واحلى عن المالديف ..
وانا اليوم بعد اخر امتحان وعندي اجازه شهر كامل .. وان شاء الله نسير العمره ,,
سيروا البر وافرشوا الحصير والسياييد ووروا الضو واخبزي وسوي قرص
والصغارية يلعبون على العراقيب ويلقطون حماض
ومرة روحوا السيح ووسو لحم مشواي والا دياي مشاوي وخذوا الصغارية جولة
في الوطن وشلوا خيمة اصغيرة لزوم الصلاة وتغيير ثياب اليهال عن البرد
يوم بيقارب العشا ردوا البيت وهكذا كل يوم مكان