مكتئبه وايد ساعدوني شو اسوي

السلام عليك أنا حاسه بكتئاب فضيع أنا كنت حامل بتوام وكان حمل أطفال أنابيب وسقطت من حوالي شهرين الحمد لله أنا عندي بنت عمرها سنتين مليه علي حياتي فديتها الله يحفظها بس مشكلتي أني مب قادره انسي السالفة اللي استوتلي لأني طول فتره حملي كنت تعبانه وأراكض من مستشفي لمستشفي ومن عياده لعياده لا تهنيت في رمضان ولا فالعيد مول ما كنت اطلع لانه كان عندي نزيف حتي بنتي ما شريت إلها ثياب العيد والحين كله يالسه ألوم نفسي علي اللي صار لأني سقطت الثاني في بدايه السادس وكان البيبي عود شويه وكل ما أحط راسي علي المخده اذكر اللي استوي وأقول في نفسي لو أنا لين الحين بعدني حامل جان الحين بكون بالشهر هذا استغفر الله العظيم يمكن لأني ما قدرت أصيح وتميت كتامه في خاطري أحاول أني اشغل نفسي واطلع بس بعدني مب قادره انسي وخصوصا أني أشوف ربيعاتي ما شاء الله أغلبيتهم حوامل اقول في خاطري ليش يا ربي استوالي جيه ساعدوني خواتي شو اسوي كيف اقدر أعدي هالمرحله من حياتي ؟

الله يكون بعونج وان شاءالله بيشفعون لج يوم القيامة

وماتدرين يمكن خيره لج كرري المحاولة والله بيعوضج

بدالهم ان شاءالله

حبيبتي تعوذي من الشيطان
كله امر من الله .. فكري بعمق اكثر .. قولي الله كتب لي و الله اختار لي ياحظي .. و بعدين يمكن لو ولدتي يمكن يكون لاسمح الله فيه شي مرض او معاق او اي شي مايخطر ع البال
والله خلاج تسقطين عسب يبدلج خير منهم ..
كله امر الله ولاتتضايقين و اللي تسوينه يعتبر اعتراض على حكم الله
ادعي الله يرزقج و كل ماتدكرين استغفري و تعوذي من الشيطان ..

السلام عليكم..اشحالج اختي..الله يعوضج خير..ربنا يقول في كتابه "وعسى ان تكرهوا شيئا وهو خيرا لكم"..رب العالمين هو الوحيد الوحيد اللي يعرف وين الخير لنا مهما كانت الامور في ظاهرها اتحزن واتعور القلب بس تأكدي تماما انه في باطنه خير لج بس كيف الله اعلم..حبيبتي تصبري واذكري الله وايد واقري القرآن وصدقيني بتحسين براحة والحمدلله عندج بنوتة حلوة اهتمي فيها وان شاءالله الله يرزقج ويرزق خواتنا الذرية الصالحة الطيبة..مرة سمعت شيخ يقول بس مااذكر من كان اعتقد وسيم يوسف انه الوحدة يوم يموت لها ولد هالولد بيكون لها شفيع يوم القيامة .. بيوقف هالولد اللي مات عند باب الجنة ويقول حق رب العالمين انا بدخل الجنة مع امي وابوي..فهاذي بشارة لج اختي العزيزة..سبحان الله في كل شي يصير لنا فيه الخير لنا..احمدي الله على كل حال وصبري وان شاءالله بتلتقين بعيالج في الجنة يوم القيامة..واوصيج بالقرآن وركعتين لله كل ماتضايقتي والصدقة والله يوفقج وان شاءالله اتبشرينا بانج حامل عاجل غير آجل

الله يعوضج الغاليه وان شاء الله مايمر ها الشهر والى وانتي حامل

الله يعوضج خير
حاولي تشغلين عمرج بشي ..
رياضه مثلا ,,,

رددي اللهم اجرني في مصيبتي وابدلني خيرا منها وتشوفين كيف ربنا حيعوضج ان شاء الله