ملابس العيد

السلام عليكم بنات شحالكن اخباركن ان شاء الله طيبات
اول شي عيدكن مبارك مسبقا
هذا اول موضوع لي هنا اتمنى القى تفاعل منكن بليييز لا تحرجوني
ابا كل وحدة تصور لنا ملابسها للعيد
ولا تقول لنا شو ناوية تلبس
ويلاا بلا كسل قومي صوريها لنا احسن ما نتخيلها
بس اتمنى القى تفاعل منكن
سلااااااام

يسعدني اني اكون اول من يرد على موضوعج
بما انا لازم يوم العيد اكون غير لازم البس ثلاث لبسات
اول لبسه بكون لابستنها من الصح لين الظهر

بحط الاسعار مب بغرض التباهي بس للمعلومات يمكن انتوا ادورون شي شرات اللي عندي
القميًص من zara لونه خمري و تقريبا ستايله فكتوري ب295
التنورة من Massimo Dutti لونها ذهبي ناعم مايل على البيج ب395
حزام امايه العودة خذتلي اياه من لندن لونه ذهبي هذا اللي شرات الحديد ههه ب45 باوند يعني تقريبا ب270
الكعب من Christian Louboutin خذت لون بيج ما فيه شغل لانه بيكون اوفر اذا فيه دزاين ب 4246
كلاتج من Gucci لون الشامبين ب 2725
بلبس سوارة Fendi من زمان عندي
حلق من Cartier هدية من ربيعتي الروح بالروح
شعري بيكون Fishbraid ما بيكون مرتب ولا بيكون كشة ههه
و الميكب بيكون لون ذهبي واااااااااايد ناعم على الجفن و لون بني فاتح على الزاوية الخارجية من العين و Cat Eye ايلاينر و روج خمري بس مابحط وايد عشان مايبين انه حد صامني على برطمي هههه
هاي الكشخة من الصبح لين قبل وقت الغدا

كشختي من قبل الغدا لين قبل المغرب عبارة عن
جلابية مغربية فخمة من المغرب من مصممة معروفة و شغلها خفيف الوانها روعة الوان صيفية ب6500 < صدق بذرت للاسف
الكعب من B Brian Atwood ب1675
الكلاتج من Elie Saab ب3100
شعري بيكون Straight
الميكب عبارة عن جحال على زاوية العين و روج برتقالي مب فاقع
بلبس عقد من Oscar De le Renta ب 3660
الحلق من Oscar De le Renta ب1200
سوارة من Oscar De le Renta ب1700

اخره لبسه من المغرب لين فليل ( الوقت الوحيد اللي نقدر نلبس لبس قصير ولا شوية يبين الجسم يعني مخصر و جي لانه بس البنات و الحريم بنكون ) < اتريا الفرصة اصلا هههه
قميص كت مول مافي كم x_x من Coast خذته ب600 لونه اسود و فيه Peplum و ويا القميص اي حزام ضعيف
التنورة من Coast لين الكاحل و شوية منفوخة يعني وايد بسيطة لونها غريب ما تعرفون اذا رمادي على بيج على بني وايد حلو اللون ب 850
كعب من Yves Saint Laurent ب4325
و بشل نفس الشنطة اللي شليتها الصبح
طبعا ما يستوي تكون منطقة الصدر خالية لانه القميص بدون كم فخت عقد من Oscar De Le Renta ب2780
سوارة Fendi
خاتم Yves Saint Laurent ب990
حلق من Oscar De le Renta ب720
شعري بسوي بFair بس بيكون فير خفيف و بحط شي على راسي نسيت شو اسمه طلبته من لندن
الميكب بيكون سموكي بني وايد خفيف و Cat Eye و روج احمر

وهااي كشختي للعيد سوري وايد طولت و اذا البنات تفاعلوا بقولكم شو بلبس ثاني يوم العيد ان شاءالله

ما شاء الله موضوع رررررررررررروعه بالتوفيق

السلام عليكم
ما شاء الله تبارك الله
احلى كشخة تتهني فيهم يا رب
وصفك ما شاء الله عليك دقيق والله كني اشوفها قدامي
يلاا عاد قولي لنا كشخة ثاني يوم
انا عاد شريت حجاب وبقعد فيه لانا ما بنتم ببيت واحد طول اليوم نلف على البيوت هههه نقعد شي نص ساعة ساعة فما له داعي اتعب عمري و أشيله
مبروك عليك حبيبتي ومشكورة على ردودك

مرورك الأروع حبيبتي
بس ما شاركتينا شو رح تلبسين