ملابس النفاس وملابس البيبي ؟اغسلهم ولا لا ؟

السلام عليكم خواتي كيف حالكم
بغيت اسالكم ملابس البيبي اغسلهم ولا اخليهم ؟
واذا اغسلهم شنو تنصحوني بأي صابون ؟ حصلت فالجمعيه وايد نوعيات صابون لملابس الاطفال
اللي يجي ببكايت مثل اريال وتايد بس ماعرفت احسن نوعية وقلت بسالكم ؟

وبالنسبة لملابسي تنصحوني اغسلهم ؟ الجلابيات ؟
الاندرويرات طبعا اكيد

وربي يرزق كل محرومة يارب ويتمم للحوامل على خير ياااارب

احسن شي تغسلينهم حبوبه وربي يسهل عليج ويبارك لج بالي في بطنج ويقومج بالسلامه . بالنسبه لملابس النفاس الجلابيات الراقيه وقطعهم حساسه وديهم الدوبي يغسلهم لج على البخار ويكويهم .

تسلمين حبيبتي وجزاج اللـه كل خير وربي يسهل علينا جميعا ياااارب
مشكورة عالرد عيووني

غسلي الملابس مثل ما قالت الاخت بس لا تحطين فيهم كمفورت او داوني لا في ملابس البيبي او ملابسج

والله ماعندي علم

بس دخلت اطلب منج طلب

انج تدعيلي اختي ان ربي يسهل امري واحمل

خاطري بياهل

تسلمين حبيبتي مبدعه ان شاءالله بخسلهم بدون ملطف
أختي غلاك أنا أسأل الله العظيم رب العرش العزيم ان يرزقج ويفرح قلبج بالدرية الصالحه المعافاة التامة الخلقة عاجلا غير آجلا ويرزق كل محرومة يااااااارب اللهم أميييين

السلام عليكم
ملابس الياهل اذا يداد اغسلهم على ايدي بماي دافي بدون صابون واعرظهم للشمس .. عقب الاستعمال اظل شهر اغسلهم على ايدي بصابون الاطفال واشطفهم من الصابون عددل واعرظهم للشمس طبعا بدون كومفورت كل هذا عشان بشرة الياهل حساسه توه طالع من البطن ..
ملابسي اذا يداد اغسلهم بعد على ايدي بشويية كومفورت وعقبها اشطفهم بماي بدون الكومفورت عشان اخفف من تاثيره واعرظهم للشمس
ملطفات الملابس بشكل عام زيادتها مضره للبشره