السلام عليكم …
طبعا الي قرأ العنوان استغرب وممكن ياله فضول عن هالملف…وراح اعطي نبذه بسيطه عنه …هذا الملف فتحته عشان نساعد بعضنا بالتجارب الي مرينا فيها او سمعنا عنها سواء من قريب او بعيد..وشو الي تعلمناه من هالتجربه الاليمه وكيف نقدر نتصرف لو مرينا فيها لا سمح الله …بالاول راح اعرف تعريف بسيط عن الحرق وانواعه …
الحروق تُصنّفُ بحروق من الدرجة الأولى أو من الدرجة الثانية أو حروق من الدرجة الثالثة، مستندة على شدةِ الضرر على الجلدِ.
حروق الدرجة الأولى، الأقل ضرراً من الثّلاثة،وتكون بسبب الماءِ الحارِ، البخار، أو من التعرض إلى أشعة الشمس الحارة . وحروق الدرجة الأولى تُسبّبُ بعض الأورام ,والاحمرار والألم.
حروق الدرجة الثانية هي نتيجةَ الاتصال بالمواد الكيميائيةِ، والسوائل الحارة، أو من الملابس المحترقةَ.في حالة الحرق لون الجلد يتحول الى اللون الابيض او لون الكرزِ الأحمرِ، والحرق مؤلمُ جداً وتكون البثور عامةُ.
حروق الدرجة الثالثة وهي حروق يُمكنُ أَنْ تَنْتجَ من الاتصال ِ بالسّوائلِ الحارةِ أو المواد الكيميائية، أو الكهرباء. وتسبب انسلاخ أو تفحم الجلد يُحتملُ أَنْ لأ يشعر الإنسان بالألم أو بقليل من الألم بسبب تضرر الأعصاب.
وهذه الصوره تبن الدرجات الثلاثه من اليسار الى اليمين
اتمنى من كل حد سمع عن احدث علاج للحروق بجميع درجاتها او آثار الحروق الي يعاني منها اطفال وكبار وممكن تسبب اضطرابات نفسيه عميقه بسبب الشكل يقول لنا ويعطينا المعلومه عنها او الي يعرف مستشفيات تعالج هالامور بكل العالم يفيدنا …والي حابب ينفس عن نفسه ويخبرنا تجربته الشخصيه يتفضل وكلنا اذان صاغيه…
بنتي تعرضت للحرق لما كانت بعمر سنه ونص بسبب ماء مغلي …تعرضت لثلاث انواع من الحرق الدرجه الاولى في وجها …الدرجه الثانيه في رقبتها وجزء من ذراعها وركبتها …الدرجه الثالثه في صدرها ..عالجناها في احد مستشفيات الدوله وللاسف ما كان علاج كان تعذييييب وزادوا عذابي وعذاب بنتي فوق ما تتصورون فطلبنا اكمال علاجها في الخارج بدولة اوروبيه والحمدلله قدروا يسيطرون على الجروح الغير مندمله والي يأسوا الاطباء عندنا من وقف النزف فيها لمدة شهر وفي اوروبا بيومين بس ومن غير ما ابالغ …الحمدلله على كل حال …بس لازال الاثر موجود في وسط صدرها وقالوا الاطباء انه انشاء الله راح يختفي تدريجيا اللون الفاتح والانثناءات في الصدر ممكن لو ظلت تنشال بعمليات تجميليه بس تكبر وتبدأ سن البلوغ…والحمدلله على كل حال …اهم شيء اني عمري ما حسستها بان فيها شيء غريب ..او منعتها من لبس الملابس الي ممكن تبين اثر الحرق ..او منعتها بالسباحه في الاحواض العامه …بالعكس اشجعها وفعلا احس انها تعودت على الشكل بل صار جزء مخفي بالنسبه لها والحمدلله.
أختي الغاليه أسماء أي واحد من الحروق إلا أضطريتي اسافرين ألمانيا هل هي الثالثه
صح أختي يوم كانت عمرها سنه أحترقة نفس الحرق وكانت أمي أسير لمدة شهر وينظفون لها مكان الحرق والحمد الله هي بخير
بعد شيء ثاني أنا ولدي تعبان في القلب والله ماقص عليكم جربت كل مستشفيات الراقيه خاصه وحتى وديته عند دكتور خاص ياي من برع والله ماستفد وكلهم ردوني على مستشفى الأساس طبعا مستشفى و……
حكومي هذا مكان الوحيد إلا ستفاد في ولدي
المهم خلينا رد على موضوع بنتي أسماء حبيبتي ممكن تقوليلي أسم دكتور إلا كنتي سيريله في مستشفى دوله مشكوره
أم عبد الله99….الله يعينج ويشفي بنتج بس نصيحه لو تقدرون تسافرون فيها برع سافروا روحوا المانيا بمدينة ميونخ فيها مستشفى اسمه شوابنج خاص للأطفال اروع ما يكون في التعامل وعندهم بروفيسور واستشاريين خاصيين للحروق…ونفس اللبس الي قلتيه هو الي استخدموه لبنتي والله انه ما ينفع غير انه يطري الجرح بس …نصيحه اذا حروق بنتج من الدرجه الثانيه بس حطي ميبو احسن بمليون مره ولا راح يترك اثر انا بنتي ويها كان من الدرجه الاولى والثانيه وخفت عليها من التشوه والمستشفى عطوني مرهم من عندهم ولما سالت الدكتور عن الميبو قال لا هذا ما ينفع وانتي راح تكونين المسؤوله عن الي بيصير …توكلت على الله وداويتها فيه والله العظيم ان ويها صار ولا كان فيه شيء وناعم ومو مبين فيه ولا اثر الحمدلله …والدكتور الي في مستشفى………سوداني وفي واحد عراقي مشهور يطلعونه بالتلفزيون وهو لا يهش ولا ينش بس اسم في المستشفى مره بس دخل علينا او اثنين ..
الله يعافي عياالكم وعيااال جميع المسلمين يااارب.. ويبعد عنهم الشر والبلا..
بصرااحه ماعندي مداااخله أشارك بها وياااكم.. بس كل اللي عندي لج..
أني منحتج (( أيقونه التميز)) للموضوع..+ وساام التميز.
وتسلمين يالغاليه.. وأن شاء الله أشوف التفاااعل فيه أكثر من جي.. عسب الكل يستفيد.
حياااج الله