راح نتكلم ونسولف مع بعض عن البشرة وإحتياجاتها
كلنا نحلم ببشرة نضرة وصحيه لكنا نجهل بعض الاحيان العناية بها
هالموضوع راح يكون مرجع لنا لتبادل للنصائح والخبرات حول افضل الطرق للعنايه بالبشره والمحافظه على شبابها واشراقتها……
اهم مافي الموضوع هو تبادل اسرار نضارة البشره وشبابها.
ونجاوب عن اهم الاسئلة فهذا المجال…..
1-شوهي الاغذيةالتي تساعد في الحصول على بشرة اكثر شباباً؟؟؟
2-شو روتينج اليومي في العناية ببشرتك؟؟؟
3- شو احسن المستحضرات اللي جربتيها ونفعتج؟؟؟
– أستخدمي أي كريم مناسب لبشرتك وأحرصي على إختيار كريم
من النوع اللي إذا قطعتيه فجأةمايأثر على
بشرتك وأحرصي كمان يكون مع الكريم غسول خاص
عن نفسي أستخدم نيفيا ( الليل والنهار ) مع الغسول …
2- قبل ماتنامين أحرصي على تنظيف وجهك ولا تحطين عليه شي حتى
الكريم عشان البشرة ترتاح أصلاً الغسول كافي فترة النوم ويغنيك عن الكريم
3- إذا كنتي تعانين من مشكلة بقع في الوجه أو آثار الحبوب ممكن تستخدمين
المسحات الطبية للوجه وبعد ما تمسحين فيها الوجه أغسليه بمويه بارده شوي ..
أعتقد هالأمور ماتاخذ منك عشر دقايق يومياً ..
وممكن تشوفين الفرق بعد أسبوعين بإذن الله ويستمر معك على طول إذا
عودتي نفسك عليها
4- العسل … يمكن كثير يعرف هالنقطة لكن للأسف ما يطبقها ألا في
المناسبات العسل مره في الأسبوع للوجه تمدين العسل على وجهك
وتخلينه خمس أو عشر دقايق بعدين إذا نشف تبدين تنظفينه بقطعة شاش
أبيض نفس طريقة الحلاوة أو العلكة
لكن أنتبهو لا يوصل للحواجب والرموش إعتني بجمال بشرتك دائماً
هالشي يكفيك مرة كل أسبوع مثل ماقلنا …
إعتني بجمال بشرتك دائماً
*الحين نجي للجسم عموماً …
1- لازم تستخدمين كريم مرطب يوميا لجسمك لكن يكون خفيف مو مثل
جليسوليد الأحمر لأنه ماينفع لوحده ممكن يفيد إذا أنخلط مع ليمون مثلاً ..
الكريمات السائلة أفضل وماتكثرين منها شوي وجسمك رطب يكفي ..
2- كثير مننا يستخدم كريمات تنظيف جسم وهي للأسف لها تأثير سلبي
على الجسم وتغمق لون البشرة مثل (كريمات الحلاقة) صحيح هي تاخذ
وقت أقصر لكن بالمقابل الشعر ينبت بوقت أقل ويكون أقسى غير كذا
البشرة تغمق بعد فترة …
3- ( الليمون + الملح ) عصير ليمونة تضيفين له ملعقة ملح والأفضل
تجيبين الملح الخاص بتقشير البشرة وهالوصفة ماتستخدمينها أكثر
من مرتين بالأسبوع لمدة (15دقيقة) قبل الإستحمام ومرة وحدة تكفي
لأن ( الشي لا زاد عن حدة نقلب ضده إعتني بجمال بشرتك دائماً )
4- أنا في البداية قلت لكم نبي شي بعيد عن الخلطات الكثيرة لكن
أعذروني باضيف هالخلطة البسيطة وهي عموما مافيها شي غريب
( عصير ليمونة + علبة فكس + كولونيا[reve dor] + علبة جليسوليد )
ومالها مقدار معين مثل ماتحبين لكن كل ما كانت أخف وسايلة أكثر أفضل يعني
إذا بغيتيها ثقيلة ممكن تحطين علبة الفكس كاملة وعلبة الجليسوليد كاملة ونص
قارورة العطر وكل مابغيتيها أخف تزيدين العطر والعصير وتقللين الكريم والفكس …
الخلطة هذي أعطتني اياها وحدة من قريباتي والله تفاجئت يوم شفت جسمها
منطقة المرفق والركبة فتحت مره وقالت لي عنها ممكن تحطينها كل يوم أو
يوم ويوم لا المهم أحرصي تستخدمينها على الأقل3 مرات بالأسبوع ..
طبعا الخلطة هذي تفيد من الرقبة إلى الرجول لكن أننننتبهوا لا تحطونها
للوجه الوجه أرق بكثير من الجسم وغير كذا اللي فيها حساسية أو حبوب
لا تستخدمها لأنها بتتعبها …
إعتني بجمال بشرتك دائماً
* آخر نقطة ( باطن الرجل )
ياكثر مانسمع عن وصفات وخرابيط وتقشير للجلد لهالمنطقة وترى السالفة
مو محتاجة كل هذا
كل ماتحتاجه هالمنطقة الترطييييييييييييب وهذي ممكن نستخدم لها أي كريم
أو زيت للجسم و خليك على طول لا بسة خف أو شرابات ولا تقولين حر أو
ما أحب تتعودين عليها أنتي بس كل يوم غسليها ورطبيها وألبسي خف أو
شراب وتشوفين بإذن الله بعد أسبوع أو عشر أيام الفرق.
خل نركز الجهود على الاستفاده من الموجود بدون فتح مواضيع يديده تشتت البنات وهم يشاركون ويدورون نفس الاسئله والمعرفه
مب معقوله كل عضوه تبغي تفتح لها موضوع خاص باسمها في قسم البشره
اللي يبغي يفيد يتفضل على هالمواضيع ويشارك بتجاربه وخبرته خصوصا ان المواضيع هاي يديده
اتمنى اشوفج في المواضيع اللي بحطها في الروابط وتفيدين البنات بتجاربج
والموضوع هذا بيغلق
جدول العنايه اليوميه
https://forum.uaewomen.net/showthread.php?t=181616
===========
تجمع العنايه بالبشره والجسم
https://forum.uaewomen.net/showthread.php?t=723205
=================
اعرضي يديدج من المستحضرات التجميليه الخاصه بالبشره
https://forum.uaewomen.net/showthread…=725024&page=4
===============