خواتي بخبركم عن اسباب طلاقي
الحمدلله الذي لا يحمد على مكروه سواه
انا صارلي تقريبا 3 سنوات من عرست وخلال هالسنوات شفت وصبرت وتعلمت
ما بقول اني كاملة لا فيني عيوب …انا جامعيه موظفة طموحة جذابه عمري 25
زوجي ثانوي اتكالي كثير التغيب عن عمله وطبعا عكس شخصيتي تماما عمره 27 –
بداية زواجي …كان زوجي يخبي عني تلفوناته الاساسية وطبعا مطلع رقم وتلفون جديد لي
دومه برى برى برى …ومش مستقرفي شخصيته
نحن نعيش ويا اهله …والله يا خواتي اهله زباله زباله
اذا قعد عندي امه تدق باب الغرفة وتطرده من عندي تقوله سير ايلس ويا اخوانك في المجلس …ومرة قالت له امه لا ترقد عدال زوجتك ..امه تفتش غرفتي وتوقف على باب الغرفه وتتسمع علي
كان زوجي يخبر امه كل شي عن حياتنا كللل شي حتى مسجاتي يطرشهن لامه واخته
في شهر الخامس من زواجي …اكتشفت ان ريلي عنده علاقات وحلف يمين وعظيم ومني ومناك وقالوا لي اصبري واصبري وصبرت وسكرت الموضوع <<كنت اظن علاقته بحدود التلفون وبس
طبعا اكتشفت انه يدخن وقبل عن نعرس قالوا لنا اهله انه ما يدخن …وعلى فكره اهله ما يدورن انه يدخن
كثير يكذب ويحلف كذب …ودومني اشك فيه والقى عنده ارقام يديده
ما يصرف علي ..[حكم اني موظفة يقولي راتبج عندج وكم مرة طلب مني اسحب سلفيه عسب اشتري له سياره ….ومره خذ مني بطاقة البنك الخاصه فيني وما خليته في حاله لين خذيت بطاقتي
الشهادة لله …يجيب اغراض للغرفه وبامبرز ولده وحليب <<<يحب ولده لدرجة الجنون
يضربني ضرب لدرجة الاغماء…ويوم شكيت لاهله قالت لي امه انا لو ريال بضربج لانج منرفزة انتي
طبعا ماشي طلعات وكله يقولي وين اطلعج ويلسي وبرد وولدج …
ولي فتره اشم رحيته خمر ….بس مب لحد فقدان العقل يشرب على الخفيف
المهم ياخواتي الاربعاؤ اللي طاف عقب طلب وجهود شهرين وانا اطلب منه يطلعنا نروح للشمال وافق
نزل ايب لولدي حليب …وانا لقيت بسيارته تلفون ومسجات و هو شافني يوم شفت المسجات وتم يحلف انه ما يكلم وانه وانه ….طلبت منه يردني للبيت اهلي وردينا من دبي على طول …وقلت له طلقني …وقالي انتي تحرميني علي مثل ما تحرم مكة على اليهود
اتصلت للحرمة اللي ريلي يكلمها ….وقالت لي اشياء تشيب راسي …ريلي يعيش معها كانه زوجها ويعاشرها معاشره الازواج وهي اربيعته ( يزني) ….كان يسحب علي ويخدعني ويطلع من دوامه ويروح لها ويشتري لها هدايا …طبعا هو مفهمها انه عزابي بس هي يوم سالت عنه قالوا لها انه معرس ويوم واجهتها قال لها انا اصلا مطلقها وهي شكاكة وايد
اقسم بالله مات احساسي به …وطرشت له اني ابغي اتطلق وتم يقولي والله تكذب عليج ولا تهدمين بيتج …ومنهالخرابيط وياني لين عند دوامي ولا رديت عليه وتم اي بيت اهلي ويتصل يصيح ويقولي انا ما استاهلج وانتي طيبة وحشيم ….كان يطعني انا الشكاكة واني انا الشينة وانه هو اللي متحملني و دوم امه تقولي انتي تكذبين ولدي ما يسوي جي …وفوق هذا قال لها باخذج بالسر وامي بتوقف ويايا
تخيلوا معي انا كنت البسه واعطره واكشخه وهو يروح لها متكشخ ؟
خواتي تعتقدون هل هذا الرجل يستاهل اني ارد له ؟ على كل اللي سواه فيني
ردوا علي وحطوا نفسكم مكاني ؟؟
اقسم بالله مافيه امل ولا يمكن يتصلح خير شر 
انصحوني
في رايي تطلعين بيت بروحكم وتحاولون تفتحون صفحه يديده
ترا الريال يوم يحس بضغط من الصوبين اهله وانتي يحاول يريح عمره برا
واذا مافاد وماتعدلت الاوضاع فالافضل تنفصلون دام وصلت فيه للضرب والتقصير والزنا!!
الله بيهديه ان شالله المسأله يبالها طولة بال وصبر حبيبتي
حاسه فييج والله يفرج همج
يخسي اردله
هذا ماحترم ربع
يحلف جذب
تتوقعين بيكون صادق
ولا بيتوفج فحياته
خليه يطيح طيحة جلاب
بيصطلب مره 2
بصراحه امه انسانه
اظن يجوز قتلها شرعا هههههه
ترفع الضغط
مايكفيج ريلج يايه تتحكمين بحياة عيالج ورياييلهم
مابيعرف حرمته ولا بيخاف من الغلط
لاترجعين له
و فزمانا هذا المطلقه شي عادي و اذا لها نصيب تتزوج مره و اثنين بعد
الزم ماعليج ولدج
كيف بيكبر وهو يجوف ابوه يعاملج جذي و بذات مجتمع بيتهم الي من كلامج انهم دون المستوى الي لازم نمشي عليه نحن العوايل الي تخاف ربها
عيل ام تمنع ولدها من حرمته!
عيشي ويا اهلج معززه مكرمه وربي ولدج والله يعوضج باللي احسن عنه