شحالكن خواتي..؟؟عساكن بخير..
خواتي انا صارلي تقريبا سنه وانا معرسه ومشاكلنا من ايام الملجة ولين الحينه وماتخلص بيني وبين ريلي..
على ايام الملجه كننا نتظارب عسب طبعي وطبعه..كل ريال يبغي يفرض رايه بس آراءه ماتعيبني..<<لاتيلسين ويا نسايبج وتسولفين وياهم..اتغشي يوم بتظهرين..ماشي تجمع بين العائله اذا كانوو عيال عمج يالسين..واحيانا مايعيبونه عماتي واحيانا يتنرفز من خواتي اذا عقن رمسه مايقصدونها..ماشي دراسه وشغل مع ان هذا كان شرطي قبل الزواج وهو كان موافق عليه جدام رياييل..
حتى بيتي مااخترت فيه ولا شي..الاثاث وكل شي كان من اختياره هو واهله..بحجة امتحاناتي..لأني كنت مالجة فالثنويه عامه..
ويوم عرسنا اشوف اهله قامو يتحكمون فحياتي الخاصه..كل يوم يسئلوني اذا حملت ولا بعدني<<وسيري راجعي وسوي مادري شوو وكلي جي ولاتاكلين جي..
اتعودت من يوم الخميس انسير بيت اهلي نيلس كم يوم فالاجازه خميس وجمعه وسبت..يدخلوون بيتي وانا مب موجوده..ويتصرفون فأغراضي وحتى حجرة نومي يدخلونها مع العلم اني مب ساكنه وياهم فالفله نفسها..انا ساكنه فالملحق بعيد عنهم..
تعبت والله بس اخاف اقوله شي ويقولي تكرهين اهلي وتزيد مشاكلنا..حتى ان يلست مع خواته اتنرفز من رمستهن يعقون رمسه مايحسبون حسابها..
حتى عمتي قمت اتنرفز من حركاتها..احيانا انش الصبح ابغي اسوي لريلي ريوق اتسكر الغاز من تحت عسب ما اسوي شي..<<<عسب ينزل يتريق عندها..
وتغار اذا قال لها حرمتي اتسوي الشي الفلاني حلوو..وتتصرف على كيفها وانا مب موجوده فالبيت<<بحجة انها تطلع الاشياء المنتهيه من المطبخ ومادري شوو..
كم مره رمسته عن سالفة اني مابغي حد يدخل بيتي وانا مب موجوده..يقولي احمدي ربج ان عندج عمه هالكثر اتحبج وتهتم فنظافة بيتج..
انا استغص يوم يقولي جي..اقوله ليش انا قصرت فشي..؟؟شو ناقص البيت عسب عمتي تنظفه..؟؟
كم مره وصلت مشاكلنا لدرجة اني طلبت الطلاق منه اكثر عن مره..لأني مليت من هالعيشه..!!
كفايه اني يالسه فالبيت برووحي ماقمت احب ايلس معاهم موول..اسير اتغدى عندهم وبس باجي اليوم انا فبيتي..وكفايه اني مودره دراستي وقاعده اجابله فالبيت..واحس هالشي مب مبين فعينه..مع انه يمووت فيني ويحبني..بس مادري شوو اللي يخليني انفر عنه..احيانا الوسواس يلعب دور..والشيطان يقولي اتطلقي بترتاحين منه..!!
هاي أول الايام .. بعدج ماحسيتي بالاستقلالية … يمكن ريلج اكبر واحد ولا اول واحد معرس عندهم فالبيت .. من جيه متحسسين من الموضوع …
اصبري واحتسبي الاجر من رب العالمين … ولا تحسسين ريلج بشي …
واذا طلعتي من البيت … اقفلي الباب وشلي المفتاح معاج … الصراحة ما ابى ازيد الطين بله … بس مالهم حق يدخلون بيتج ويتصرفون باغراضج وانتي مب موجودة ..
الله يسخر لج زوجج ان شاء الله … ويبعد عنكم وسوسة الشياطين …
المشاركة الأصلية كتبت بواسطة أميرة بوظبي 
هاي أول الايام .. بعدج ماحسيتي بالاستقلالية … يمكن ريلج اكبر واحد ولا اول واحد معرس عندهم فالبيت .. من جيه متحسسين من الموضوع …
اصبري واحتسبي الاجر من رب العالمين … ولا تحسسين ريلج بشي …
واذا طلعتي من البيت … اقفلي الباب وشلي المفتاح معاج … الصراحة ما ابى ازيد الطين بله … بس مالهم حق يدخلون بيتج ويتصرفون باغراضج وانتي مب موجودة ..
الله يسخر لج زوجج ان شاء الله … ويبعد عنكم وسوسة الشياطين …
صدقتي هوو اكبر واحد..بس مب اول واحد يعرس..عده اخت مطلقه وعندها ولدين واخت متزوجه وعندها ولدين..وهو الثالث اللي يعرس عندهم..بس مستحيل مايعرفون الاصول..!!!
انا اقفل البيت وحتى غرفتي اقفلها..بس عندهم مفتاح سبير..ويوم قلت له عطني مفتاح السبير بحجة انه هو يكون عنده مفتاح وانا عندي قالي لا خلي هذاك عند امي يمكن محتايه شي وانا بنسخلج المفتاح..!!!!!
ربي يعطيج العافيه فديتج وتسلمين حبيبتي ع النصيحه..
عيل كيف تقعدين ويى عيال عمج ونسايبج ؟
وهذا من مصلحتج فديتج بهالشي تراه ابد ماغلط
ماروم اقول انج مب غلطانه
بس فديتج اول 3 سنين صعبه عليج
بعدين تتاقلمين
كل واحد طبعه غير عن الثاني
لازم هالسوالف تصير بين كل ريل وحرمهـ
عانج الله
المشاركة الأصلية كتبت بواسطة رآحت أيامك , عيل كيف تقعدين ويى عيال عمج ونسايبج ؟
وهذا من مصلحتج فديتج بهالشي تراه ابد ماغلط
ماروم اقول انج مب غلطانه
بس فديتج اول 3 سنين صعبه عليج
بعدين تتاقلمين
كل واحد طبعه غير عن الثاني
لازم هالسوالف تصير بين كل ريل وحرمهـ
عانج الله
انزين غيرته تنجلب للشك..غيرته زايده واايد يغار لدرجة اني احس انه يشك فيني..
فديتج انا ما ايلس وياهم بروحي..انا ايلس ويا خواتي وامي..بس هوو مايبغي هالشي يصير مايعيبه اذا انا يلست معاهم..يبيني ادخل الغرفه وايلس لين مايروحون نسايبي ولا عيال عمتي..!!!هاي مب حاله كل ماسرت بيت اهلي سوالي هالحركه..انا سايره بيت اهلي عسب ايلس معاهم..انا فالاجازه بس اشوفهم طول الاسبوع انا بعيده عنهم..
واذا سرت بيت خالته ولا يلست بيت امه وحد من عيال خالته ولا رياييل بنات خالته مايقول شي..!!!هذا اللي انا استغرب منه..
): بس ليش انا اللي اتنازل عن طبعي وهو مايروم يغير طبعه؟؟!!
المشاركة الأصلية كتبت بواسطة ام غايهـ انتي حاولي اذا ما ييو با اسلوب الظرابه ايوون با الطيب حاوولي تكسبينهم لو عقو عليج كلام مردهم بيحبونج وما بيستغنون عنج
ولو ريلج قال شي هم بيوقفون وياج انتي بس حاوولي .. وانشالله بترتاحين ولا تفكرين ب الطلاق هذي سوالف بسيطه تتغير مع الايام الله يوفقج ويسعدج
هههههههههه تتحرين هالاشياء ماسويتها..انا كل شي سويته..حاولت اكسب عمتي بالهدايا وعلى فكره ينفع معاها بس بعد فتره تنجلب مره ثانيه..عمي انسان حبوب وطيوب ومايرضى علي فشي..وان شاف هاي التصرفات من عمتي مابيسكت..بس ماقدر اقوله شي اخاف اشعلل الموضوع..ومايحقلي الجأ لعمي..لأني بخسر ريلي واهله بعد..
وحاولت اطلعلي كم شغله عسب ايلس عند اهلي ويلست اسبوع وكانت حجتي ان عندي تراي عسب آخذ الليسن..بس ماطاع ريلي ايلس اكثر عن اسبوع يقولي ماتمين والمره اليايه باخذ اجازه ع التراي الياي وبيلس وياج بس ماتيلسين بدوني اسبوع كامل.. ): واذا ولدهم يا وياي بيقولوون ماخذه ولدنا عننا..يعني ماعرفتلهم اذا بروحي قالو خليتها واذا وياي قالو خذت ولدنا..عنبوو اذا مايبغونه يستقر فحياته ليش معرسينه..؟؟!!والله مب قادره افهم..
من ناحية اذا ريلي قال شي..ترى كلهم مابيرضوون علي..لأني اختيارهم عسب جي ما ابغي اخذلهم..بس فنفس الوقت تصرفاتهم ماتعيبني..وعن مشاكلي ويا ريلي الحمدالله ما اشكي لحد..