ممكـــــــن رايكــــــــــــم يا المتزوجات عن اهل الزوج!!!!!

السلام عليكـــــــــــــــم ورحمة الله وبركاته:"

خواتي الغاليات يسعدني واااااااااااااايد اني احصل ارائكم حول موضوع بطرحه عليكم وما تعرفون شقد بيفيدني هالموضوع والله!!!!!!!

يا اليت تجاوبون واللي تحب تعلق ما عندي اي مشكله وعلى الرحب والسعة…..

الســـــــــؤال:

هل برايج انه اهل الزوج خواته وامه يغارون منج لو كنتي اجمل منهن؟؟؟ ولبسج اجمل بواايد؟؟؟

مممممممم مااقوول لا خخخ ومرات يغارووون من خاطر بس كل وحده وجمالها

انا قبل موول ماحسيت انهم يغاروون بس احينه خخخ حسيت فهالشي

وخاصة ان خوات ريلي يغارون وايد من عمتهم @_@ ويموتون قهر لما ارابعها

لان عمت ريلي عمرها 23 ومادري ليش هالغيره .. كل يقوولولي هيه انتي خليج عندها

وماتبينا مع اني احب الكل واقرب وحده حقي اهي عمتهم يه ..ماحب هالتصرفات بصراحة

بس جي والا جي الحياة الحلوة

لازم شويا غيررررررة لازم خخ في كل شي خخخخخخ

مع ان كل وحده فينا احلى عن الثانيه خخخ كلنا نتشاهد حتى ام ريلي زغيرونه مشالله عليها

وهم بعد اتغار من بناتها هههههههههههه بس فديتهم كلهم..

ما اغار منهم ولا هم يغاروا مني

الحمد لله

والله ما أدري هي غيره ولاحقد علي
بس متوكل على الله
وعني الحمدلله ما اغار من أي مخلوق على وجهة الارض

لا أغار منهم و لا يغارون مني …. بس اذا خذت شي ما يعيبهم ذوقي .. بس أنا عادي عندي لاني مقتنعة بذوقي… فكل بيت لازم في شي ما تحبينه فيهم أو هم ما يحبون فيني … الحمد الله على كل حال.

امممم

مثل ماحب الخير لعمري بحب الخير لغيري اهل ريلي اهلي اكييد

ومابغار منهم ولا هم بيغارون مني كل واحد له ذوووقه ولبسه الخااص

مثلا انا احب شي هم مايحبون هالشي ولا انا ماحب هالشي وهم يحبونه عاادي مسأله اذاوق بس ماتصول للغيره

الحساسية موجودة وخصوصا اذا الزوج دلع حرمتة او مدحها او خدمها يدامهم واذا لبسها احلى او طبقتها الاجتماعية تستوي حساسية ما انا ما اتكلم عن عمري اتكلم بشكل عاااااااااااام