لو سمحتو يا بنات كل وحده استخدمه شي لتبييض الويه او لتبييض الجسم من خلطات هيه سوتها بنفسها او كريمات اشترتها من تاجره
ممكن تخبرنا بتجربتها بكل صدق وامانه
ومتئ بينت النتائج
انا جسمي فيه خطوط من الحمل والسمنه والضعف واحس ابغي شي يزيل الخطوط ويبيض بعد
شفت وايد من منتجات التاجرات بس اخاف اجرب خلطات وخاصه انها مب مرخصه من البلديه او وزاره الصحه واخاف نتائجها تكون عكسيه
اوجوكم خلونا كلما نتفاعل ونساعد بعض
وشكرا
وين الباقيات
أبداً ما انصحج من تاجرات تاخذين ، انا شفتهن يخلطن هالكريمات من الصيدليه والجمعيه وغيره ..وترا فيهن مواد كيميائيه وهن ما يشتغلن فمختبر
فما تعرفين ع المدى البعيد تفاعل هالمواد مع بعض شو يسوي .. لو يكتبلج خلطه طبيعيه 100% … أحس مستحيييييل، لانهم ما درسوا هالشيء
الشي الطبيعي ترا يومين ويخترب حتى المواد الطبيعيه مال المحلات وغيره .. يكتبون فيها نسبه شي يحفظها لو صغيره
المهم ، انصحج تسيرين عند دكتورة جلديه الحين شي ليزر لكل شي توريد شفايفج ازاله سيليولايت .. جلسات تكسير دهون .. كله موجود
بس انتي غيري نظام اكلج امشي بالاضافه لليزر والجلسات + كريمات من عند الدكاتره.
واستخدمي اشياء طبيعيه معروفه مثل الحمام المغربي .. أشياء بسيطه يكتبونها البنات فالمنتديات .. بس لو كاتبات خلطي كريم استخدمي كريم
لا تستخدمينه الا لو سألتي دكتور او دكتوره .. فيه وايد كريمات للتبييض والدكاتره بيعطونج
للخطوط البيضا بعد سالي الدكاتره وترا ما شي شي مستحيل .. هي ممكن ما تختفي تختفي .. لكن تخف بشكل ملحوظ .. بحيث إنها خلاص ما تبين نفس أول، فاظن ليه كريمات بعد وجلسات .. أنا ما جد جربت .. بس لو تبين تجربين أشياء طبيعيه دخلي قوقل كتبي How to Get Rid of Stretch Marks
وبتحصلين خلطات طبيعيه بفواكه وزيوت وغيره يسوونها كل يوم .. نسخي لقوقل ترجمي لو ما فهمتي .. وحاولي الشي السهل اللي باين مب مضر جربيه.
أنا استخدمت مره شي لتاجره للشفايف كان جربته ما شريته لكن يابولي هديه .. وصراحه حسيتبه غمجلي لونهن مع انهن كانن فاتحات بس جني تعبلت بهن حطيته كمن يوم كان يصبغ حلجي وقت ما حطه يوم كامل يتم احمر رويان .. بس خليته احس من الصبغه اللي فيه أثر ع حلجي .. وانا ما استخدمته الا يمكن 5 ايام وخليته … فابتعدي عنهن .. وايد شي ماركات طبيه زينه واشياء نعرفها مثل السكراب والحمام المغربي .. ولا تنسين تبين جسمج يستوي بعد أحسن سوي رياضه .. ع الأقل بس مشي. لو ع هالاله الي هي تيلسين وتحركين ريلج بس عليها .. زينه شفت اجنبيه ع طول من ربت قيصريه كانت مسويه ما تحرك ظهرها ولا تمارين ولا شي بس تيلس عليه وتحرك ريولها نفس السيكل عشان ينزل وزنها .. وكانت تخلط زبده الشيا بهالزبدات الطبيعيه وتدهن جسمها وين التشققات وغيره ومعروفه زبده الشيا أصلا فتوحيد اللون والتنعيم لكنا ما تبيض . ويوم شي هالعلم وهالاشياء الطبيعيه تقدرين بروحج تشترينها والدكاتره والليزر ليش نلجأ للتاجرات ؟
ما في شي يبيض المطلوب هو بشره فيها لون موحد 
الله يوووفقج وان شاء الله ساعدناج
وهالموضوع محطاي فالقسم هنيه ممكن يفيدج
https://forum.uaewomen.net/showthread.php?t=1195972
اقتعتًني بكلامكن