ممكن تساعدوني بنات امر مهم بحياتي الخاصه

السلام عليكم

شحالكم شخباركم

خواتي انا اعرف شخص
فتره سافرت ورجعت حسيت انه تغير
يعني انا من اتصل عليه مايرد
مرة طرشت له مسج قلت لك ليش طنشني رد عليه
شوي ودق تلفوني سمعت صوت حرمة ترمس
انا مارمست شي تميت ساكته
عقب خمس ساعات تقريبا اتصل وقال لي اتويت مشكله والرقم مب عندي الحين انت لاتتصلين فيني واي رقم غريب يتصل فيج لاتردين عليه
انا قلت له انت تزوجت وانا مادري
قلت له اذا تزوجت عادي قلي لي عسب كل واحد يروح لحاله وهو يحلف انه مب متزوج .
ادري طولت عليكم

المهم ..

اذا ابا اسأل عنه اذا هو تزوج كيف اسأل عسب اعرف هو تزوج
ممكن تساعدوني .
لان بصراحه اذا تزوج ماحب اكمل علاقتي معاه شو ذنب زوجته
وهو يحلف انه مب متزوج
بس احساسي يقول انه متزوج
او ماعرف وين اسأل او اتصل
طبعا انا من راس الخيمه
اللي تعرف تخبرني
وين اسال او اتصل بحد عسب اعرف انه متزوج

اتمنى تساعدوووووووني

عسب لاتم اعيش بوهم

ليش تتصلين وتسألين ..؟؟؟

…يعني افهمي من تصرفاته انه مايباج

خلي عنج هالخربطان اللي مالها داعي

كبري عقلج شوي ..

وودري عنج هالسوالف اللي مالها معني ..

خلي الريال في حاله .. وابتعدي عن هالطريج ..

حبيبة قلبي اذا يباااج بيتقدم لج وصدقيني هالطريقة ما تنفع

الله وياج والدعاء يكفي .. اتركيه لوجه الله .. واكيد اذا يبغيج بيتقدم لج وبيسال عنج

اختى اعطى نفسج قيمه اكبر ولا ترخصين بنفسج عشانه او عشان غيره والى يبا الصلاه ما تفوته لو هوه جاد ويباج مسوى جيه واصلا العلاقه من البدايه مب صحيحه الى بدايته غلط تكون نهايته غلط

مشكورين ع المرور والرد

بس هو يحلف لي انه مب متزوج

بس بغيت اذا ابا اسال اذا متزوج وين اسير او اتصل

من يومين تضاربت وياه ودخل مستشفى

وانا ثاني يوم بعد دخلت المستشفى

ماحب اخسرة وانا مب متأكده انه متزوج