ختيه انا بقترح عليج اقتراحات وجربيهن .,.
اول شي خبريه كذا مره انه هذا الي يسويه غلط .,.
وقوليله اذا سويته مره ثانيه بزعل.,.
واذا عاده .,. سيري دخلي الحجره وغفلي على عمرج الباب .,. وخليه هو برا يصيح لا تطلعين له لين ما يسكت .,. لا تعطينه ويه .,.( بس تحذري من المكان الي هوه فيه انه مايكون فيه ادوات تجرحه ) .,.
وبعد ما يسكت علميه انج انتي سويتي كل هذا لانه هو غلطان وخليه يتاسف لج .,.
وحرميه من الشي يالي يحبه .,. ولا تخلين حد يضحك يوم هو يسب .,. ^_^
جربي هاي الطريقه يمكن تفيدج .,.
والسموحه .,.
العبي معاه لعبه
اشتري لج غرشه انزين واشتري كور تيله تعرفينها اللي يلعبون بها (بس لو كنتي تخافين عليه يبلع الكور اشتري كور اكبر حجما)
المهم كلما ولدج سوا شي زين يلسي امدحي فيه و بوسيه واحضنيه وخليه يفتخر بنفسه بعدين عطيه كوره يحطها في الغرشه
بس اذا سب بيني له انج زعلانه و قوليله انج راح تسحبين الكوره من الغرشه لأنه سوا جيه جيه جيه فهمتي
طبعا اشرحي له قواعد اللعبه من البدايه
وان شاءالله يوقف عن اللفظ بمثل هالالفاظ
واهم شي لا تخلين حد يقول هالكلمات جدامه
تعرفين شو سويت عشان يغير هالعاده
هي بصراحه كانت فكرت عمته اللي هي اخت زوجي
شوفي
إذا قال غبية قوليله انته جدر او قلاص او حجره
او زوليه او ورده او ………………
اي شي يخطر على بالج بس ما يكون من النوع اللي ماتبينه يتعلمه
وشوفي اذا ما تغير في مده بسطه
ام الدواهي
شو الفايده من هالطريقه
ابا استفيد من خبرتج .,.