انا حابه اعرض بعض منتجاتي للبيع على المنتدى فحابه استفيد من خبراتكن…
كيفية التوصيل المنتج وكيف نستلم البيزات من الزبونه (شو القصد من سلم واستلم )
اتمنى انكن اتساعدوني وبكون شاكره لكم ….gif "44 (15)")
الله يوفقكم ويرزقكم ان شاااء الله
طبعا في شركات و ايد في الامارات تواصل منتجاتج من الباب للباب
( سلم و استلم ) معناها ياخذون البظاعة من عندج و يطرشونها لزبونة المراد تسليم البظاعة لها و عليها نفقات الشحن و انتي تستلمين المبلغ بالكامل
* اما اذا عندج رقم حساب في احد المصارف او البنوك تشترطين على الزبونة انها تحطلج مبلغ البظاعة + الشحن و انتي بروحج ترسلينة مع الشركة و تدفعين للشحن و جذية تكون الفلوس واصلة قبل ما اطرشين البظاعة ,,,,,,,,,
اي استفسار انا حاضرة
أم خالد
اانا ما عندي حساب فالبنك
كيف يعني استلم المبلغ بالكامل…
انا لو بطرش البظاعه مثلا عن طريق الارامكس او الامبوست ويكون مبلغ الشحن على الزبونه كيف انا بستلم المبلغ يعني الزبون بتسلمه للشركه وهم بيسلموني المبلغ ولا كيييييييييف
.gif "13 (41)")
اسمحولي اختكن مبتدئه فالمنتدى وان شاااء الله بستفيد من خواتي الي فالمنتدى ادري انهن ما بيقصرن…
وعن سلم واستلم ،، يعني :
1- وحده طلبت منج طلبيه
2- انتي تزهبين طلبيتها
3- ادقين لشركه التوصيل وتطلبين منها اتي لين البيت تستلم منج الطلبيه
4- الشركه اطرش لج سائق ياخذ منج السامان ، ويطلب منج تعبين كوبون ،
5- تكتبين فالكوبون معلومات عنج وعن مستلم الطلبيه ، مثل الاسم والرقم والاماره
6- تخبرينهم انج تبينهم يستلمون البيزات من الزبونه
7- ياخذون هم الطلبيه ويوصلونها
8- ياخذون المبلغ من الزبونه
9- بعد فتره يوصلولج المبلغ لين بيتج
وجي =)،، في شركات ما عندها سلم واستلم ،، مثل ارامكس ،، واحيد امبوست يتلهم فتره وقفوا هالخدمه
ماعرف لو ردوها ،،
واذا تبين شي مضمون ، تشرطين الدفع مقدم ،، ما عندج حساب ، تحولج البنت باسمج :
1- تعطين البنت اللي تطلب منج اسمج الثلاثي ورقمج
2- تتأكدين ان الاسم اللي عطيتيها نفسه مكتوب عندج فالهويه او فالليسن او الجواز ، اي شي رسمي معتمد عشان يتأكدون انج انتي نفسج
3- بتحولج هي المبلغ ، وبطرشلج رقم التحويله
4- انتي تسيرين عند الصرافه مثلا الانصاري ، وتعطينهم الهويه او صوره الجواز (اي اثبات) + رقم التحويله
5- وتستلمين بيزاتج
وبس =) والله يسرلج
الله يوفقج حبوبة ^^
واختي كشخه غيرل
انزين كيف اكون تاجره فالمنتدى؟؟؟؟