ممكن يصير حمل مع الرضاعة

السلام عليكم خواتي أنا مربي الحمد لله من خمس شهور وارضع بنتي والدورة مايتني بس من شهر ونص وانا إيني ويع مثل ويع الدورة واحس بلوعه دائمة وفحصت ومطلع حمل بس مع زيادة الا وجاع شوه ممكن يكون أو حد صارله جيه وطلعت حامل ساعدوني خواتي الله يجزيكن خير

حبيبتي انا استوالى مثلج كملت أربع اشهور من بعد الاربيعين ما يتني الدوره والاسبوع اللي طاف يتني حسيت عمري كني توني مربي من كثر مانزلت على والحمل عادي يستوى قالتلي الدكتوره واللوعه هذي والعوار من علامات الدوره اشربي اشياء حاره مثل قرفه حلبه

الرضاعة ممكن تكون سبب لعدم نزول الدورة أو عدم انتظامها لين سنة بعد الولادة
ولكنها لا تعتبر مانع للحمل .. لأن الاباضة في المرأة تكون اسبوعين تقريبا قبل نزول الدورة .. يعني ممكن تحملين بدون منع

اذا كنتي تمنعين ممكن تكون آلام الدورة
واذا ما تمنعين يا حمل يا دورة .. ودام على قولتج التحليل طلع سالب يعني أغلب الظن آلام دورة

نفس ما قالوا الخوات … ترى احتمال كبير يصير حمل بدون دورة بعد…

أنا ربيت ف بنتي وما ياتني الدورة وكنت ارضع عقب تفاجات اني حامل مع انه ما ياتني اعراض حمل بس ياتني حمى وسويت فحص وطلعت حامل<<<<<<< ترى الرضااعة مب سبب لمنع الحمل يعني عادي يصير حمل

والحين توني مربية وصار لى ست شهور بس للحين ما ياتني الدورة مع اني ارضع طبيعي .. بس رحت العيادة خذت حبوب تنزل الدورة

حاولي تمنعين واذا ما قدرتي روحي العيادة وخليها تعطيج حبوب لانج عادي تحملين