مناسبه تخرج

السلام عليكم ورحمه الله وبركاته
شحالكم بنات عساكم بخير وسهاله

حلوات ابى مساعدتكم عندي وحده من الاهل متخرجه من الجامعه والاسبوع الياي مسويين حفله فيها بوفيه وطاولات وكراسي في البيت ف ابغي اسوي بعض الفعاليات في البارتي شو اقدر اسوي في مثل هالمناسبه قلت العاب مثلا لعبه الكراسي للكبار وشو بعد ابى يكون فيه حماس ووناسه للكل ف الي عندها افكار لا تبخل علي ومشكوورين

حبيبتي اولا مبرووووووك عالتخرج .. امم والله خيتوو انا عن نفسي كان عندي عيد ميلاد اختي وسويت مسابقات للبنات وقسم بالله حتى الحريم والعيايز تفاعلوا وكانت احلى اوقات ..امم سويت لهم مسابقه انه يكون ريل وحده من الحريم مربوطه مع ريل حرمه ثانيه وجي صفيتهم عدال بعض وخليتهن يتسابقن والي طاحت والي ولي والله اوقات ما تنسى .. وو سويت بعد شد الحبل ادري يمكن تقولين مال يهال وجي بس والله اقولج لو تعيشين اللحظه غيييييييير …
امم .. واذا ترومين بقولج تسوين حركه مفاجأه لهم .. انا سويتها بس ببوح لج السر .. لبست كندورة اخوي وغتره ودشيت عليهن تمن يصارخن واخترعن لاني كنت حاطه بالجحال شرات الشنب وجي والله انهن لحد الحين يذكرن السالفه خخخخخخ…. واذا عندي اي شي مابقصر فديتج ومره ثانيه مبروووك عالتخرج