قصدي بمنتجات باريس غاليري اللي هيه الماركات اللي ينباعن فيها
تحملوني الموضوع شوي طويل لني كتبت كل اللي قدرت عليه عشن تفهموني
قبل يومين سرت باريس غاليري وحاطة عيني على منتجات شانيل خاطري أجربها
لني مجربة قبل كذا ماركة شيسيدو وكلينيك وغيرهم
وفي كل مرة أجرب فيها ماركة اتكون الخبيرة ( اونه) موجودة وتفحص بشرتي وعلى أساس فحصها تعطيني المنتجات المناسبه
المهم انا بشرتي غريبة
طول حياتي اتحراها مختلطة
منطقة التي زون دهنيه وعندي مسامات صغيره وشوية ماتنبان عالخشم وجوانبه
وعندي اليبهه والذقن دهني
بس خدودي جافة مرة لدرجة انها تتقشر واحتار بالفاونديشن وايد
لمن اخذه مات ترا تبان القشور ولمن اخذه اويلي مايثبت ويدهن ويهي
الحمدلله ماأعاني من حبوب ولا بثور ولا هالات تحت عيني بشرتي الحمدلله نوعا ما زينه
نرجع لباريس غاليري
طبعا كل المنتجات اللي استخدمتها قبل ماناسبتني ابدا
ماحسيت بفرق بالعكس مالها أي فايده وأي أثر
وودرت باريس غاليري من فترة ولجأت للصيدليه واستخدمت كذا منتج
واللي ارتحتلهم منتجات ليراك بس بعد ماعرفت المناسب لبشرتي ولا حتى الصيدلانيه عرفت لبشرتي
يوم اقولكم بشرتي غريبة
والحين جريب اخلص مجموعتي
وناوية ع شانيل مادري ليش ورجعت لباريس غاليري
ويت خبيرة شانيل وشافت بشرتي وجان تقولي انتي بشرتج دهنيه!!!!
قلتلها بس خدودي جافة تتقشر ناشفه كيف دهنيه
قالتلي انتي البي اتش عندج ضعيف ويبيلج غسول يعيد التوازن في دهون البشره
ووتمت تشرحلي وبصراحه اول مرة اعرف انه بشرتي دهنيه بس مادري كلامها صح ولا لا
وظهرت لي كذا منتج يناسب بشرتي ع قولتها
ومن محتوياته الزنجبيل الازرق ونا اول مرة اسمع بزنجبيل لونه ازرق
احيد الزنجبيل جذور لونها بني فاتح شلون قلب ازرق مادري
وتمت اتجرب المنتجات على ايديني ونا أخس شي عندي أجرب شي على ايديني
لنه بشرة ايدي غير عن ويهي
وتقولي شوفي الفرق بين ايدج هذي والثانيه
ويوم اشوف مول مالاحظت اي فرق بس كنت امشي معاها لني كنت مستعيله وهي اخرتني بقرقرتها
وظهرت لي كذا منتج
الغسول والتونر والسيروم وكريم العين وكريمات الليل والنهار
بس بصراحه ماخذت شي مادري مارتحت لهم لني جربتهم قبل كذا مرة وماحسيت بفايدة
مثل مايقولون بياعين حجي
الحين انا محتارة
المشكله ماعندنا في راس الخيمه عيادة جلدية ممتازة
جربنا كوزمسيرج يدفعونج مبالغ خياليه ولازم تستمرين معاهم احس همهم بس الفلوس
مالقيت دكتور ينصح بصدق وامانه للحين ويشرحلي نوعية بشرتي صح
ويوصفلي المنتجات المناسبه بغض النظر عن التكلفة
أبا أسوي فحص شامل لنوعية لبشرتي بس وين تنصحوني في رأس الخيمه؟
احيد من فترة سويت تنظيف بشرة في صالون معروف عندنا وسألتها عن نوعية بشرتي
اول شي سكتت وعقب تمت تقولي اتوقع بشرتج حساسه!!!
حيروني الجماعه
انا ماعرف الحين اذا بشرتي دهنيه ولا جافة ولا مختلطة ولا حساسه؟؟؟
متأزمة من الدهون وبنفس الوقت من الجفاف الشديد
خبروني وانصحوني شو اسوي؟
مختلطه
أنصحج بالتالي ,, خذي الغسول من الصيدلية .. بايوديرما الارزق اللي بخاخته خضراء .. ويوم تستعملينه انتبهي للطريقة هي موب مكتوب عليه بس الخبيرة قايلة لي .. لازم تبللين ويهج وتحطين الغسول بدون فرك بس مسح لمدة جيه 3- 5 دقايق وعقب تفركينه وتشطفينه وااااااايد بتفرق بشرتج لأنها مختلطة على جافة ,,,
فيه الحين ماركة اسمها بلييس bliss الماركة وايد زينة أحسن ماركة في أمريكا توها واصلة من اسبوع الامارات بتلاقينها في دبنهامز وفافوم . .
أنصحج تجربينها .. أو تاخذين مرطب ( تأكدي إن قوامه مائي موب زيتي .. يكون عليه كلمة هيدرا ) من كلارينس أو من أي ماركة طبية ثانية الحين فيه وايد ماركات نزلت السوق
الشيء الاهم بشرتج تحتاج تنظيف .. موب شرط مال صوالين لا سكراب وتنظيف منزلي وايد بيساعدج بس تنتظمين عليه وماسكات عناية زينة
وأخيرا لا تنسين كريم الليل وحوالين العيون وواقي الشمس .. ترا البشرة تحتاج كل هذا ..
المشاركة الأصلية كتبت بواسطة mrs.abk 
أنصحج بالتالي ,, خذي الغسول من الصيدلية .. بايوديرما الارزق اللي بخاخته خضراء .. ويوم تستعملينه انتبهي للطريقة هي موب مكتوب عليه بس الخبيرة قايلة لي .. لازم تبللين ويهج وتحطين الغسول بدون فرك بس مسح لمدة جيه 3- 5 دقايق وعقب تفركينه وتشطفينه وااااااايد بتفرق بشرتج لأنها مختلطة على جافة ,,,
فيه الحين ماركة اسمها بلييس bliss الماركة وايد زينة أحسن ماركة في أمريكا توها واصلة من اسبوع الامارات بتلاقينها في دبنهامز وفافوم . .
أنصحج تجربينها .. أو تاخذين مرطب ( تأكدي إن قوامه مائي موب زيتي .. يكون عليه كلمة هيدرا ) من كلارينس أو من أي ماركة طبية ثانية الحين فيه وايد ماركات نزلت السوق
الشيء الاهم بشرتج تحتاج تنظيف .. موب شرط مال صوالين لا سكراب وتنظيف منزلي وايد بيساعدج بس تنتظمين عليه وماسكات عناية زينة
وأخيرا لا تنسين كريم الليل وحوالين العيون وواقي الشمس .. ترا البشرة تحتاج كل هذا ..
امممم صح كلامج اختي
والمرطب اللي استخدمه حاليا قوامه مائي هو زين بس مادري ليش تزيد الدهون في المناطق الدهنيه
الحمدلله انا امحافظة على بشرتي بالعنايه والتنظيف والوقايه من الشمس ونادر ما ألجاأ لتنظيف الصوالين
عندي العدة كلها بس مثل ماقلت حيروني في نوعية بشرتي
بحاول أزور فافافوم
المشكلة عندنا نقص فظيع في تعدد المحلات في رأس الخيمه
عندنا باريس غاليري في المنار مول وتمنينا يفتحون سيفورا ولا هارفي نيكلز في راك مول لكن للأسف بعد فتحوا فرع ثاني لباريس غاليري
صدق غصه
لاصيدلية بوتس ولا محلات لش اللي أحبها
محلاتنا مكررة في كل بقعه بتحصلون نظارات سمير خخخخخ
بيفتحون ماركس وسبنسر مكانه.
في عندج سيلكور مفتوح عندنا ماعرف اذا هو عيادة او مركز تجميل. أنا ماجربته بس ماشاء الله فروعه في معظم الدول العربية. جربيه يمكن يفيدج.
مكانه في شارع الصالونات مجابل خالد حرية بس قبل اشوي.
اذا فادج خبرينا عسب نجربه وياج 