منوا الغلطان يا ناااااس

يا ناس ترى مشكلتي مشكلة وما عندي حد اشكيلة غيركم فبليز انصحوني انا غلطانة وإلا لا أنا من يوم ما خذت ريلي إلين ألحين وأنا أحس أنة مقصر معاي طبعا موا من الناحية العاطفية أو الجسدية لاااااا أنا أقصد من الناحية المالية المهم هذا كلة ما همني المهم عندي احد يحبني لكن للأسف في أياااام ملجتنا واللي المفروض انها تكون احلى ايام عمري في البداية ما انكر انها كانت حلوة لكن بعدين وتقريباً شهر واحد السنة اللي طافت حسيتة وايد متغير فهو من عادتة دائماً يكلمني يسأل عني لو أني ما أتصلت فهو اللي يتصل فيني لكن للأسف بعدين لقيتة متغير علي موا مثل عوايدة المهم انا ما اهتميت وايد لكن في خاطري شي يقووولي اصحي حبيبتي وفعلاً صحيت لأني لما فتشت موبايلة حصلت عندة رقم وحدة تونسية للأسف لا و المصيبة تشتغل عندة بالدوام و صارت مشاكل من بينا ما لها اول من تالي بس لاني انسانة عاقلة و ما احب اخرب بيتي بنفسي ما خبرت اهلي مع اني احس ان ابوووي اخس عنة المهم في النهاية انا سامحتة لكن للأسف ها الشي انا ما قدرت انساة الين الحين و عرسنا و تم كل شي على خير و قلت من بعد هذا كلة اكييد الريال بيعتدل او حتى بيتغير لكن للأسف كل يوم انصدم بشي يديد و اليوم بالذات انا كنت سهرانة طول الليل ومن سوووء حظي اني رديت على عادتي الجديمة واللي هي اني افتشة لكن يا بنات والله موب مني من القهر اللي فيني اشووووف ان غيرتة موب طبيعية ودايماً يهزئني و تخيلوا مرة ضربني و انا حامل …… ؟؟؟ ما تتخيلون حالتي المهم بعد ما فتشت موبايلة لكن للأسف طلعت غبية وما افهم قلت بفتش البوق تخيلوا شو حصلت حصلت شي مثل البودرة في قرطاس علية صورة بنت سكس ما فهمت شو هذا فرحت و سألتة قالي هذا مال ربيعي وانتي كيف تتجرئين و تفتشين .. انصدمت لكن انا من زمان و انا شاكة انة يخوني مع وحدة من ها ال………. فشو رايكم اللة يخليكم ساعدووووني

اشووووووووف ما حد رد علي

الصراحه يالغاليه شي ما ينسكت عليه بس اول شي دوري شو الاسباب اللي تخلي ريلج يتصرف ها التصرف وبعدين ادعيله وايد عن ظهر غيب ودوم ذكريه شو الحرام يسوي مثلا اذكريله قصه من اختراعج وقوليله شو العواقب اللي تستوي مثلا خبيره ان وحده من ربيعاتج ريلها يعرف وحده وعقب اكتشف انه اللي كان يعرفها فيها مرض وشي من هالقبيل والله يهديه ويهدينا جميعا .

لا حول ولا قوه الا بالله الله يعينج فديتج الغاليه خبري حد كبير عشاان يفهمه امور الزوااج وربي يسعدج

لازم توقفين معاه وقفه حازمه

وتخلينه يحسب لج حساب والله يهديه

لصراحه انصدم يوم اقرا هالمواضيع

انه ريال يخووون حرمته مع وحده ثانيه_وين الاسلام والوازع الديني اللي فينا

انتي كلمي ريلج وانصحيه بس مب عشانج وفهميه هالشي قوليله عشاااااااااانك حسسيه بمستوى البنت الدوني اللي يالس يرمس وياها
حتى لو الصورة لربيعه(مع انها خمبين انها حجه) قوليله كيف ترابع ناس جي
وادعيله في كل صلاااااااه وصدقيني ربج وياااااااااااج وماينسى عبده