واقول كيف بتحمل ضغطته ؟؟ كيف بيبلى جسمي ؟؟ كيف بقاوم الحشرات والدود واكشهم عن جسمي ؟؟ كيف بتحمل الكتمه , والظلمه , والحر , ادري اني بكون ميته وما احس بشي , بس كيف جي ؟؟!!
مب قادرة اشرح , ولا عارفة كيف اوصل لكم الشي اللي اتخيله وافكر فيه ,, وانا من طبيعتي ما احب اغطي ويهي باللحاف دقايق , ما اتحمل الكتمة ,, عيل كيف بيغطون ويهي يوم بموت ؟؟ ,, وكل يوم اضرابه ويا ريلي , ابغي ارقد و الليت يتم مفتوح لاني اخاف من الظلام , وهو يسكرة لان ما يعرف يرقد والليت مفتوح ,, وكل اقول الحين برقد وما بقوم , كل مرة احلم اني فيني سكرات الموت , واقاوم الموت , بس ما اموت ,
الحمد لله .. انا محافظه على صلاتي في وقتها , و دوم اقرأ قرأن واراجع الحفظ , واستغفر اكثر من 1000 مرة في اليوم , وما اسمع اغاني موول , ولا اتبرج , واحضر مجالس الذكر واتصدق بالسر , بس بعد اخاف من الموت , اخاف من سؤ الخاتمه , اخاف اموت موته تروع ,, كيف اتخلص من هالشعور ؟؟ كيف اتغلب عليه ؟؟
منو اتفكر واتحس مثلي ؟؟ والا انا فيني وسواس , شو اسوي ابغي ارقد مرتاحة وما افكر في شي , ساعدوني دخيلكم
ربي يحفظج آلغآليه من كل شر ويوفقج ويسعدج ويستر عليج دنيآ واخرهـ . .
ربي يريح بالج من هالتفكير ويحسن خاتمتج وخاتمتنهـ يآ رب . .~
وارزقنا رضاك والجنة ..
الله يطمن قلبج اختي
كل هاي الامور بيد الله
المهم انتي محافظة على دينك ومراعية الضمير
حلو الواحد يوم يتذكر الاخرة و عذاب القبر
هذا معناه ان عندك ضمير حي وتخافين الله
الله يحسن خاتمتك يااااارب ويخليكي من اهل الجنة
والحل هو تعملين أعمال حسنـة في حياتج
وتحسنين الظن في الله
وتحاسبين على كلامج وأعمالج
ويوم تييج أفكار القبر قولي ان شاء الله أنا اسوي الي علي
ورب العالمين بيرحمني وبتكون فترى القبر مثل غمضة العين عندي
المشاركة الأصلية كتبت بواسطة bellegirl 
والحل هو تعملين أعمال حسنـة في حياتج
وتحسنين الظن في الله
وتحاسبين على كلامج وأعمالج
ويوم تييج أفكار القبر قولي ان شاء الله أنا اسوي الي علي
ورب العالمين بيرحمني وبتكون فترى القبر مثل غمضة العين عندي
واخاف ارقد فالظلام واضارب ويا اختي عسب تخلي الليت مبطل !
ماعرف شو الحل انا بعد ابا ارقد مرتاحه . . مرات اتم اقرى قران لين مارقد
الله يعينا ويحسن خاتمتنا