منو تعرف طريقة معمول التمر

السلام عليكم ورحمة الله وبركاته

خواتي منو عندها طريقة عمل معمول التمر..

أنا مره جربت اسويه بس طلع يابس ..

يمكن خليته وايد بالفرن…

وإذا طلعناه من الفرن لازم انفطيه والا نخليه مكشوف لين يبرد ؟؟؟!!!

انا بعد ابغي اعرف يالله يابنات شدو حيلكم

الغاليه عندج طريقة منال العالم وااااااااااايد روعه انا جربتها بصراحه يطلع هش ولذيذ واله انه لا يعلى عليه

المقادير

2 كاس دقيق
6 حبات جبن كيري
4 م كبيره سكر بودر
2 اصبع زبده
تمر للحشو

ممكن تحطين مع العجينه اشوي يانسون او بهارات المعمول

الطريقه :

تكون الزبده ذايبه في جو المطبخ وتخلط مع السكر تماما

ثم نضيف الجبن ونخلط

ونضيف الطحين ونعجن جيدا حتى تتكون عندي عجينة قابله للتشكيل

ناخذ كور صغيره من الحشوه ثم نفرغها ونحشيها ونرد نسكرها

نضعها بقالب المعمول حتى تاخذ شكل القالب ونضعها في صينية الفرن المدهونه

ندخلها الفرن على درجه 180 حتى تتحمر من تحت وفوق

لما تبرد نرشها بالسكر البودر

طبعا الطريقه هذي انا يايبتنها من منتدى ثاني بس جربتها وطلعت روعه
وان شاء الله تعجبكم

الطريقة هذي انا مجربتها مره حلوووه

ان شالله بجبربها بسوي للعيد

يزاكن الله كل خير

ومشكورات على الطريقه ..

وبحاول اليوم اجربها